Yirmeya 2:11 - MUKANDA WA MYIDI MUKULU

¹¹ Nenujadike ne: kakuena tshisamba tshidi tshianji kubenga mvidie yatshi. Kabidi mvidie ayi, kayena nansha mvidie ya bushuwa! Kadi, tshisamba tshianyi tshia bena Izrayele, nansha bobu bamane kumona butumbi buanyi, kumbengabu, kunshintakaja ne mvidie idi kayiyi mua kubambuluisha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tshisamba tshidi tshikudimune nzambi yatshi, idi kayiyi nzambi milelela, anyi? Kadi bantu banyi bakushintakasha Butumbi buabo ku bintu bidi kabiyi bibakuatshisha.

Yirmeya 2:11 Referans Kwoze

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Yeshaya 37:19

Bavua boshe, banyangakaje mvidie ya matunga aa, bualu kayivua mvidie ya bushiwa to. Ivua amu mpingu ya mitshi, nansha ya mabue masonga kudi bantu.

Yirmeya 16:20

Muntu kena mua kudienzela mvidie wende. Mvidie idi bantu benza kayena mvidie nansha!”

Misambu 106:20

Pa muaba wa Mvidi Mukula uvua butumbi buabu, kupingajabu lupingu lua ngombe udiadia bisosa.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Misambu 115:4

Kadi mvidie yabu mmienza ne tshiamu tshitoke tshia mushinga mukole nansha ne mpawungi. Idi bintu bienza kudi bantu.

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.

Ngalate 4:8

Kale kanuvua bamanye Mvidi Mukulu nansha. Ke munuvua bapika ba bintu bivua kabiyi nansha mvidie mene.

1 Samuele 4:21

Pashishe mukaji awu kuamba ne: — Bu mudi butumbi bua Mvidi Mukulu bumuke munkatshi mua bena Izrayele, ndi nginyika muana ewu dina ne: Ikabode. Dina edi mbua kuleja ne: “Butumbi ka-butshienaku.” Dina edi divu bua kuvuluka mushete wa tshijila uvuabu banyenge, ne kuvuluka lufu lua tatuende muenu, ne lua bayende Pinhase.

2 Kulondolola 13:9

Nudi bipate batuangaji ba bushiwa ba Maweja-Nangila, ndelanganyi ya Arone, ne bena Levi. Nudi badisunguile batuangaji bu mudibu benza kudi bena matunga makuabu. Bua muntu kupeta mudimu wa butuangaji wa mvidie eyi, idi kayiyi nansha mvidie mene, uvua ufila amu ngombe mulume umue ne mikoku ya bimpanga muanda mutekete.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Yirmeya 18:13

Maweja-Nangila udi wamba ne: Konkayi bantu ba bisamba bikuabu, bakadi bumvua bantu balonda bualu nenku anyi? Bualu buvua bena Izrayele benze budi bupite bubi.

Yezekiyele 5:7

Nanku, meme Maweja-Nangila Mvidi Mukulu, ndi mbambila ne: nudi benze bibi bipite bidi bantu badi banunyungulukile kabayi benza. Kanuena balonde mikenji yanyi, kanuena bakumbaje meyi anyi. Kadi nudi balonde amu meyi a bisamba bidi nenu mutumba.

Yezekiyele 14:5

Diandamuna dianyi, nedinyingalaje bena Izrayele bavua bambenga, banange amu mvidie yabu ya bukoya.”

Dielulula 32:16

Bena Izrayele bavua bafikisha Maweja-Nangila munda, benza malu mabi, batendelela mvidie ya bisamba bikuabu.

Dielulula 32:21

Bena Izrayele mbamfikishe munda, bajule tshiiji tshianyi, bualu neatendelele mvidie ya dishima. Nanku meme nembasongakaje ne tshisamba tshia bantu, tshidi katshiyi tshisamba mene. Nenjule tshiiji tshiabu, ne bantu badi kabayi ne lungenyi.

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”