Yirmeya 10:5 - MUKANDA WA MYIDI MUKULU

⁵ Mpingu eyi kayena yakula. Idi anu bu mudi mitshi idibu basa mu madimi, bayivuadika bilamba bia bantu bua kutshinyisha nyunyi. Muntu ke udi uyambula, bualu kayena mua kuenda nkayayi. Kanuyitshinyi to, bualu kayena mua kuenza bualu bubi, bu mudiyi kayiyi mua kuenza bualu buimpe.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mpingu yaya idi bu dikunshi diakusongabo, kayena yakula. Idi ne bualu bua muntu kuyituala, bualu bua kayena mua kuenda. Kanuyitshinyi bualu bua kayena mua kuenza bibi, kayena ne bukole bua kuenza bimpe.

Yirmeya 10:5 Referans Kwoze

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

1 Korente 12:2

Nudi bamanye ne: diba dinuvua kanuyi banji kuitaba Mvidi Mukulu, bavua banusaka, bua nutendelele mvidie ya patupu, kanuyi mua kutua nkanana.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

Abakuke 2:19

Nudi bena diakabi! Nudi nuambila mutshi ne: “Juka” nansha dibue ne: “Tabala!” Kadi, nansha biobi bilamika biamu bia mushinga mukole pambidi, kabiena biakula, kabiena ne muoyi!

Yeshaya 46:1

Mvidie Bele kena kabidi ne bukole to. Mvidie Nebo udi mufuane kudishinda. Nanku mpingu yabu badi bayiteka panyima pa nyama idi yambula majitu. Badi bayambula bu mudibu bambula majitu. Idi ne bujitu bunene, panyima pa nyama eyi ikadi mipungile.

Yeshaya 45:20

Nuenu bena matunga makuabu, bavuabu kabayi bashipe, semenayi, nudisangishe, nusemene popamue. Bonsu bavua bafike ne mpingu yabu ya mitshi, nansha badi batendelela mvidie udi kayi mua kubasungidila, kabena ne lungenyi to.

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

Yirmeya 10:14

Bantu bonsu badi bapuwa muaba awu bazakala, kabayi bumvua bualu. Bansenda bavua benza mpingu, bumvua bundu bua mpingu ivuabu bafule, bualu mpingu eyi ivua ibadinga. Kayena yeyela nansha kakese.

Dielulula 4:28

Mu matunga awu, nenuikale nutendelela mvidie ya mabue, nansha ya mitshi misonga kudi bantu, idi kayiyi imona, kayiyi yumvua, kayiyi idia, nansha inunkila.

2 Kulondolola 25:15

Maweja-Nangila kufikila Amashiya munda. Ke kutumaye muambi kampande bua kumukonka ne: — Udi utendelela mvidieivua kayiyi ne bukole bua kukunyenga bantu bayi bua tshinyi?

Yeshaya 16:12

Nansha bena Mowabe babanda pa mukuna wa tshijila, baya mu nzubu wa mvidie wabu, benda bapungila, batendelela mvidie wabu, kabakupeta tshintu to.