Yirmeya 1:12 - MUKANDA WA MYIDI MUKULU

¹² Maweja-Nangila kungambila ne: — Udi mumone bimpe. Meme ndi ndimuija, bualu nenkumbaje tshindi muambe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa wakangambila ne, Wakumona bimpe, bualu bua ndi ndama dî dianyi bua kudishikisha.

Yirmeya 1:12 Referans Kwoze

Yezekiyele 12:28

Nanku, ubambile ne: meme Maweja-Nangila Mvidi Mukulu, ndi njadika ne: nenkumbaje lukasa dilaya dijima dimvua mubalaye bua kubanyoka.

Yezekiyele 12:25

Bualu meme Maweja-Nangila ndi ngakula. Kadi bindi ngamba bidi bienzeka lukasa, kabiyi binengakana to. Eyowa, nennunyoke, nuenu bantu banyi bantomboji, nuenu batshikale ne muoyi. Meme Maweja-Nangila ndi ngamba nanku.

Luke 10:28

Ke Yezu kumuambila ne: — Udi muandamune bimpe. Enza nanku, newikale ne muoyi.

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Dielulula 5:28

Maweja-Nangila kuitaba majinga enu, kungambila ne: “Dilomba dia bena Izrayele didi dimpe.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Dielulula 18:17

Ke Maweja-Nangila kungambila ne: “Bena Izrayele badi bamba bimpe.

Luke 20:39

Ke balongeshi bakuabu ba mikenji kuamba ne: — Mulongeshi udi muandamune anu bimpe.

Yirmeya 31:28

Bu mumvua mukuate mudimu bua kujula, kushimbula, kupula, kunyanga, kuela panshi, ke mundi nkuata mudimu mpindiewu bua kuibaka ne kukuna. Ke mundi meme Maweja-Nangila ngamba.

Yirmeya 1:13

Maweja-Nangila kunkonka kabidi ne: — Yirmeya, mpindiewu udi umona tshinyi? Meme kumuandamuna ne: — Ndi mmona luesu lunene, luwule tente ne mayi asaba. Ludi luseke lua ku mutu wa ditunga, lutangila kundi.

Yeshaya 55:11

Ke mudi kabidi muaku wanyi. Kawena upingana kundi patupu, kauyi upatula bipeta, kauyi ukumbaja bimvua muelele meji. Meme kutuma muaku wanyi, wowu kupeta amu tshimvua muipatshile.”

Yirmeya 24:3

Maweja-Nangila kunkonka ne: — Yirmeya, tshiudi umona ntshinyi? Meme kuandamuna ne: — Ndi mmona bimuma bia mfiku. Bikuabu bimpe bitambe, kadi binga bibole, kabayi mua kubidia nansha.