Yirmeya 1:10 - MUKANDA WA MYIDI MUKULU

¹⁰ Tangila, lelu ndi nkupa mudimu wa kuenza munkatshi mua bisamba ne makalenga, wa kujuula ne miji, ne wa kushimbula, wa kubutula, ne wa kunyangakaja, kadi kabidi wa kuasulula ne kukuna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ mona, lelu eu nakukuteka ha mutu ha bisamba ne makelenge, bua kujula ne bua kushimbula, bua kubutula ne bua kunyanga, bua kuasa ne bua kukuna.

Yirmeya 1:10 Referans Kwoze

Yirmeya 31:28

Bu mumvua mukuate mudimu bua kujula, kushimbula, kupula, kunyanga, kuela panshi, ke mundi nkuata mudimu mpindiewu bua kuibaka ne kukuna. Ke mundi meme Maweja-Nangila ngamba.

Yezekiyele 36:36

Nanku, bantu ba bisamba bidi bishale nenu mutumba, nebamanye ne: meme Maweja-Nangila, ndi ngasulula bimenga bivua bishale makolu. Ndi nkuna tshiakabidi biakudia mu mbuba. Meme Maweja-Nangila ndi njadika nanku. Nenkumbaje bimvua mulaye.

Yirmeya 24:6

Eyowa, ndi mbatangila ngunwua luse lua bungi. Nanku, nembapingaje mu ditunga edi. Tshiena musue kabidi kubabutula. Kadi nembafululule. Tshiena musue kubatula ne miji yabu, kadi ndi nkeba mundi mua kubakuna tshiakabidi.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Zekâya 1:6

Kadi meyi anyi ne mikenji yanyi bimvua mumanyishe bambi, bena mudimu banyi, bivua bituishe bankambua benu kunyima kua matuku. Bobu kukudimuna nsombelu wabu, kuitaba ne: Maweja-Nangila mmutunyoke, muvuaye muambe. Mmutunyoke kabidi pa bualu, bua malu etu mabi.

Yezekiyele 32:18

— Yezekiyele, dila muadi bua bena Ejipitu. Muadi webe ubalunguluje mu kandondu ka bafue pamue ne bisamba binene bikuabu.

Yezekiyele 43:3

Malu avua Mvidi Mukulu undeja avua mafuanangane ne amvua mumone pavuaye mufike bua kubutula Yerushalayime, ne amvua mumone pamvua ku muelelu wa musulu wa Kebare. Nanku meme kutua mpala panshi.

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Yirmeya 1:5

— Nkavua mukumanye, tshiyi muanji kukufumba munda mua mamuebe. Nkavua mukusungule, kabayi banji kukulela. Nkavua mukufundile mudimu wa kuya kuambila bisamba bionsu miaku yanyi.

Yirmeya 25:13

Nentume mu ditunga edi makenga onsu amvua mumane kuamba. Bavua bafunde makenga aa mu mukanda ewu. Ke malu adi muambi Yirmeya mumanyishe bantu ba mu bisamba bionsu mu dina dianyi.

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.

Yirmeya 36:2

— wangata muvungu wa tshiseba, ufundemu malu onsu amvua mukuambile adi atangila bukalenga bua Izrayele, bukalenga bua Yuda, ne bisamba bikuabu biangatshile tshikondu tshia Yoshiya, pamvua mutuadije kukuambila malu too ne lelu.

Yirmeya 44:27

Nennutumine dikenga. Tshiena nnutumina kabidi disanka to. Bena Yuda badi basombe kabidi mu Ejipitu nebafue bonsu, too ne wa ndekelu, ku mvita nansha ku tshiyole tshia nzala.

Yirmeya 45:4

Nanku Maweja-Nangila mmungambile bua kukumanyisha ne: “Ndi nshimbula tshimvua muibake, ndi njuula tshimvua mukune. Ndi mbondakaja ditunga dijima.

Yezekiyele 21:19

Mpindiewu, Yezekiyele, akula mu dina dianyi. Ukume bikashi. Ukume musangu umue, misangu ibidi, misangu isatu. Bualu muele ewu ke muele udi ushipangana. Neushipe bantu ba bungi, miaba yonsu.

Yezekiyele 23:36

Maweja-Nangila kungambila ne: — Yezekiyele, udilongolole bua kulumbuluisha Okola ne Okoliba. Ubafunde patoke ku tshilumbu bua malu mabi avuabu benze.

Osheya 6:5

Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Muambi 3:3

Tshikondu tshia kushipa ne tshikondu tshia kuondapa mputa, tshikondu tshia kubutula ne tshikondu tshia kuibaka.