Yezekiyele 1:1 - MUKANDA WA MYIDI MUKULU

¹ Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshia makumi asatu, mu ngondo muinai, mu dituku ditanu dia ngondo, hanakadi munkatshi mua bahika ku muelelu wa musulu wa Kebâ, diulu diakabuluka, ne nakamona bikena kumona bia Nzambi.

Yezekiyele 1:1 Referans Kwoze

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Bienzedi 7:56

Kuambaye ne: — Telejayi: ndi mmona diulu diunzuluke. Ndi mmona Muana wa muntu, muimane ku dia bukole dia Mvidi Mukulu.

Matayi 3:16

Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Yezekiyele 11:24

Meme kumvua Mueyelu wa Mvidi Mukulu ungambula pa buloba, uya kumpingaja ku Babilone mu bantu bavua mu bupika. Nanku, Maweja-Nangila kena mundeje kabidi malu makuabu to.

Bienzedi 10:11

Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi.

Luke 3:21

Yowanane mumane kutua bantu bonsu mu mayi, kushisha kutuaye ne Yezu kabidi. Diba divua Yezu utendelela, diulu kubululuka,

Yezekiyele 10:20

Ku muelelu wa musulu wa Kebare, nkavua mumone nyama minene ayi muinshi mua Mvidi Mukulu wa Izrayele. Nanku meme kujingulula ne: mbakerubine.

Yezekiyele 10:15

Bakerubine kubuka mulu. Bavua amu bamvua mumone ku muelelu wa musulu wa Kebare.

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Yezekiyele 43:3

Malu avua Mvidi Mukulu undeja avua mafuanangane ne amvua mumone pavuaye mufike bua kubutula Yerushalayime, ne amvua mumone pamvua ku muelelu wa musulu wa Kebare. Nanku meme kutua mpala panshi.

Yezekiyele 8:3

Tshintu atshi kuolola tshintu bu tshianza, kunkuata ku nsuki. Nanku, pavua Mvidi Mukulu undeja bionsu ebi, meme kumvua Mueyelu wende ungambula mulu mu kapepe, kuya kuntuluila mu Yerushalayime. Uvua muntuluile munda mua tshimenga, pabuipi ne tshiibi tshia tshimenga tshidi luseke lua ku mutu, muaba uvuabu bateke kabidi lupingu ludi lufikisha Mvidi Mukulu munda.

Yezekiyele 3:23

Meme kupueka mu tshibandabanda. Butumbi bua Maweja-Nangila kumuenekamu, bu mumvua mumane kubumona ku muelelu wa musulu wa Kebare. Meme kutua mpala panshi.

Yezekiyele 1:3

Nanku matuku atanu a ngondu, kuine aku, mu ditunga dia Babilone, ku muelelu wa musulu wa Kebare, Maweja-Nangila kungambila malu. Meme kumtua bukole buende pambidi panyi.

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

2 Korente 12:1

Nansha kabiyi bimpe, ndi amu ne bua kuditemba. Bualu nudi numbambidika bua ngenze nanku. Nengakule mpindiewu bua malu avua Mfumu mundeje, munsokoluele.

Marke 1:10

Amu diakamue Yezu upatuka mu mayi, kumonaye diulu dibululuke. Mueyelu wa Tshijila upueka pa mutu pende bu nyunyi wa nkudimba.

Osheya 12:10

Meme Maweja-Nangila, ndi Mvidi Mukulu wenu, biangatshile mu Ejipitu. Ndi musue nusombe tshiakabidi mu ntenta, bu tshikondu tshimvua basambakene nenu mu tshipela.

Yezekiyele 40:2

Meme kumvua muvua Mvidi Mukulu ungambula, uya nanyi mu ditunga dia Izrayele. Uvua munteke mu katongobela ku mukuna mupite bule. Mu tshibandabanda tshia mukuna, luseke lua kuinshi kuatshi, muvua nzubu miasa mifuanangane ne tshimenga.

Yezekiyele 3:15

Meme kufika ku Tele-Abibe, pabuipi ne bantu bavua basombe mu bupika, ku muelelu wa musulu wa Kebare. Meme kushala nabu matuku muanda mutekete, muikale nzakala, tshiyi mumanye tshia kuenza.

Dibadika 4:3

Nufunde mena a bantu balume bonsu, badi ne bidimu bituadije ku makumi asatu too ne ku makumi atanu. Badi ne bua kuenza mudimu mu ntenta wa kusambakena.

Ekesode 24:10

Kumonabu Mvidi Mukulu wa Izrayele, muimane pa mabue matoke a mushinga mukole, engelela. Mabue awu avua mafuanangane ne mubidi wa tshibuashibuashi.

Genese 46:2

Butuku abu Mvidi Mukulu kumumuenekela, umuleja malu. Kumubikilaye ne: — Yakobe, Yakobe! Yeye kuitaba ne: — Ke meme ewu.

Bienzedi 10:3

Dituku kampanda, ku diba dia isatu wa dilolu, Mvidi Mukulu kumuleja malu. Kumonaye patoke mutumibue wa Mvidi Mukulu, ubuela mu nzubu muende, umubikila ne: — Korneliyuse!

Matayi 17:9

Patuabu bapueka ku mukuna, Yezu kubakandika ne: — Kanuambidi muntu malu anudi bamone aa, too ne pabika Muana wa muntu ku bafue.

Yezekiyele 10:22

Mpala yabu ivua anu bu ya nyama imvua mumone ku muelelu wa musulu wa Kebare. Bakerubine bonsu bavua baye anu kumpala buludi.

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Luke 3:23

Pakatuadija Yezu mudimu wende, ukavua ne bidimu bu makumi asatu. Bantu bavua bela meji ne: Yezu udi muana wa Yozefe. Yozefe uvua muana wa Eli.

Yeshaya 6:1

Mu tshidimu tshia lufu lua mukalenga Uziya, meme kumona Maweja-Nangila musombe mu nkuasa wa bukalenga mutumbuke. Nzemba ya tshinkutu tshiende miuwule nzubu wa Mvidi Mukulu tente.

Misambu 137:1

Tuvua basombe ku misulu ya mu Babilone, tuvua tudila, tutenda Siyone.

Yirmeya 29:15

“Maweja-Nangila udi unuambila bionsu ebi, bualu nudi nuamba ne: Maweja-Nangila mmututumine tuetu bambi mu Babilone.

Yezekiyele 10:1

Diba adi, mvua mumone tshisasa tshivua pa mitu ya bakerubine. Tshivua ne tshintu tshifuanangane ne nkuasa wa bukalenga, muenza ne dibue dia mushinga mukole dia Safire.

Yezekiyele 10:10

Nkata yonsu ayi ivua mushindu umue mifuanangane; ivua imueneka mitshiamakane.