Yeshaya 8:9 - MUKANDA WA MYIDI MUKULU

⁹ Bena bisamba bia bende, nansha nuenu batua ndondu, nenutshine amu kutshina. Nuenu bena matunga adi kule, telejayi: nansha nuenu ne bia mvita, bowa nebunukuate.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tshibukai bituha bituha, nuenu bantu, nukuatshike buowa; telejai matshu enu, nuenu ba mu maloba adi kule; nudiluatshishe bielelu bia nvita, nukuatshike buowa; nudiluatshishe bielelu bia nvita, nukuatshike buowa.

Yeshaya 8:9 Referans Kwoze

Nsumuinu 11:21

Bushuwa, bantu babi nebabanyoke. Kadi bantu bakane bonsu nebashale amu katakata.

1 Bakalenga 20:11

Akabe, mukalenga wa bena Izrayele, kuandamuna ne: — Nuwluije Benadade lusumuinu ludibu bela ne: “Patshidi muntu uya mu mvita, kena mua kuditambisha bu mumane kutshimuna.”

Yeshaya 54:15

Padi muntu musue kukuluisha, mu mvita yende ayi, meme tshiakumuambuluisha to. Kadi muntu yonsu udi ukuluisha, neumutshimune.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yeshaya 28:13

Ke mudi Maweja-Nangila musue kunuambila amu ne: “B-A-BA, B-A-BA, B-E-BE, B-E-BE, ku dileta ku dileta, ku muaku ku muaku.” Nenku nenunyeme, nudishinda, nutshibuka nyima. Nenubuele mu nzubu wa lukanu, nupanga mua kupatukamu.

Yirmeya 42:11

Kanutshinyi mpindiewu mukalenga wa bena Babilone. Meme Maweja-Nangila ndi nnuambila ne: kanutshinyi, bualu ndi nenu, bua kunusungidila, bua kumukandika, bua kankengeshi.

Yirmeya 51:20

Maweja-Nangila udi wamba ne: Wewe Babilone, uvua bu ngindu wanyi, uvua bu tshiamu tshianyi tshia mvita, bua meme kushipa natshi bisamba, kubutula natshi makalenga.

Yezekiyele 38:7

Longolola bintu bia kuya nabi. Udilongolole wewe kabidi ne bantu bonsu badi ne bua kuitaba ku diyi diebe.

Yoshua 11:5

Kudisangishabu bonsu muaba umue. Kuyabu ku mpokolu ya mu Merome, badilongolole bua kuluisha bena Izrayele.

Yirmeya 46:3

Balombodi ba bena mvita ba bena Ejipitu badi bela mbila ne: “Longololayi ngabu, minene ne mikese. Tuyayi ku mvita.

Yirmeya 46:4

Suikayi nyama ya tubalu ku matempu. Bandayi pa nyama ya tubalu! Asayi tshifulu tshia mvita. Buelayi mu milongu! Nonayi mafuma enu, vualayi kazaku ka tshiamu.”

Yezekiyele 38:8

Padi bidimu bia bungi bipita, nenkutume bua kuluisha bena Izrayele. Bena Izrayele batua bapanduke ku mvita, nebumuke mu matunga mashilangane atuabu basombe. Nebaye kusomba pa mikuna ya Izrayele itua mishale munda mutupu bidimu bia bungi. Katshia bena Izrayele bumuke munkatshi mua bisamba bikuabu, batua basomba amu talala.