Yeshaya 7:2 - MUKANDA WA MYIDI MUKULU

² Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Mukanda wa Nzambi Dihungila Dikulukulu ne Dihungila Dihia-dihia 2003

² Bakambila ba mu nsubu wa Davidi ne, Bena Sulia bakuasa tshitudilu tshiabo mu buloba bua Efelayima. Mutshima wa mukelenge wakazakala, ne mitshima ya bantu bandi yakazakala, bu mudi mitshi ya muitu izakala ku mpala kua luhehele.

Yeshaya 7:2 Referans Kwoze

Yeshaya 8:12

“Kuidikiji bantu aba, padibu bakula. Kutedi buntomboji, padibu babutela. Kuena ne bua kutshina tshidi tshibakuatshisha bowa. Kuena ne bua kuzakala nanku.”

Yeshaya 7:13

Nanku Yeshaya kumuamba ne: — Wewe Akaze ne bena diku diebe, ndelanganyi ya Davide, ntelejayi. Nudi nusuya bantu bikole, nudi basue kusuya kabidi ne Mvidi Mukulu wanyi anyi?

Yeshaya 9:9

“Nzubu ya tushole ivuabu bupule, nebibakulule ne mabue masonga! Nansha bobu bashimbule makunji a mitshi ya sikomore, ki mbualu to. Netupingaje pa mutu pawu makunji a mitshi ya sedre!”

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Matayi 2:3

Mukalenga Erode ne bena Yerushalayime bonsu bumvue nanku, kupampakanabu bikole.

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Yeshaya 37:27

Bena bimenga abi kabavua ne bukole. Bavua batshina bikole, bumvua ne bundu. Bavua bafuanangane ne bikunyibua bia mu madimi, nansha ne bisosa bia mu mpata, nansha ne mitshi idi itoloka ku misaka ya nzubu, idi lupepela lua kudi diba dipatukila luosha.

Yeshaya 22:22

Nenteke pa dikaya diende, nsapi wa bukalenga bua Davide. Padiye unzulula tshiibi, kakuena muntu udi utshinjila. Padiye utshinjila, kakuena muntu udi utshiunzulula.

Yeshaya 11:13

Nenku bena Efrayime nebalekele mukawu, udibu batekela bena Yuda. Bena Yuda kabakuluisha kabidi bena Efrayime nansha.

Yeshaya 7:17

Kadi Maweja-Nangila neanukengeshe, wewe ne bantu bebe, ne bena diku diebe dia bukalenga. Nenubuele mu dikenga dinudi kanuyi banji kumona, katshia bukalenga bua Izrayele babulukangana ne bukalenga bua Yuda. — Mukalenga wa bena Ashure neakumbaje bionsu ebi.

Yeshaya 6:13

Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

2 Kulondolola 28:12

Nanku, bamfumu bakuabu ba bena Efrayime, kufikila kabidi bantu bavua bapingane ku mvita munda: ke Azariya, muana wa Yowanane, Berekiya, muana wa Meshilemote, Izkiya, muana wa Shalume, ne Amasha, muana wa Adlayi.

2 Kulondolola 25:10

Amashiya kupingaja bena mvita, bavua bafume ku bukalenga bua ku mutu, kuabu. Bena mvita abu, kupingana kuabu ne tshiji tshikole, bafikile bena bukalenga bua Yuda munda.

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

1 Bakalenga 11:32

Shelomu neashale anu ne tshisamba tshimue, bualu bua muntu wanyi Davide, ne bua Yerushalayime, tshimenga tshimuepela tshimvua mumane kusungula mu buloba bua bena Izrayele.

2 Samuele 7:16

Misangu yonsu, muana wa ku ndelanganyi yebe neakupingane mu bukalenga, bualu bukalenga nebushale mu nzubu muebe kashidi.’ ”

Yeshaya 7:5

Ndi mumanye mudi bena Arame, Peka, ne bena mvita ba bena Efrayime, basue kukuluisha. Bavua bamba ne: