Yeshaya 48:9 - MUKANDA WA MYIDI MUKULU

⁹ Kadi bu mundi Mvidi Mukulu, tshiena mua kulonda tshiji tshianyi. Ndi musue bua bantu banemeke dina dianyi. Ke mundi nnufuila luse. Tshiena musue kunubutula.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua dina dianyi ndi mpumbisha tshiji tshianyi, bua butumbi buanyi ndi nkukandilatshi, bua meme tshikûmushi ha buloba.

Yeshaya 48:9 Referans Kwoze

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Misambu 143:11

Wewe Maweja-Nangila, umfululule. Wewe udi ulama malaya ebe, umpatule mu dikenga.

Misambu 106:8

Kadi kubasungidilaye bua lumu luende. bua kulejaye bantu bukole buende.

Misambu 79:9

Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Yezekiyele 20:44

Nuenu bena Izrayele, tshiena nnunyoka bilondeshile malu mabi anuvua benze nansha. Kadi nengenze bionsu bua nunemeke dina dianyi. Nenujadike ne: meme ndi Maweja-Nangila. Nuamanyi kumvua malu amvua musue kunuambila meme Maweja-Nangila Mvidi Mukulu.”

Yezekiyele 20:22

Kadi tshiena muenze nanku, bua bantu bavua bammone mpatula bena Izrayele mu Ejipitu, kabavu kumpepeja.

Yezekiyele 20:14

Kadi tshiena muenze nanku to, bualu bantu bavua bammone mpatula bena Izrayele mu tshipela, bavua mua kumpepeja.

Yirmeya 14:7

Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Yeshaya 48:11

Pandi muenze nanku, bidi amu bua lumu luanyi, eyowa, amu bua lumu luanyi. Bualu tshiena musue bua bapepeje dina dianyi. Tshiena musue bua bantu bakuabu bangate lumu ludi luanyi meme.

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Misambu 25:11

Maweja-Nangila, wewe udi Mvidi Mukulu. Mibi yanyi mmipite bungi! Umfuile luse!

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Nsumuinu 19:11

Muntu wa lungenyi nansha yeye mufike munda, udi amu ulama lutulu. Lumu luende mpadiye upua malu mabi avuabu bamuenzele muoyi.

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Yeshaya 65:8

Maweja-Nangila udi wamba ne: Padibu basangana mu budimi bua mvinyo tshisangi tshia tumuma tuimpe lutambe, badi bamba ne: “Katutshilengi, bualu netshitupeshe mvinyo muimpe.” Nengenze bia momumue ne bantu badi bandamate. Tshiakubashipa to.

Yezekiyele 36:21

Nanku, mvua mumvue dikenga, pa kumona muvua bantu bakuabu bapetula dina dianyi dia tshijila, bua tshilema tshivua bena Izrayele benza bavua bafika mu matunga abu.