Yeshaya 44:1 - MUKANDA WA MYIDI MUKULU

¹ Kadi mpindiewu, teleja, wewe tshisamba tshia Yakobe. Wewe Izrayele, muena mudimu wanyi, undi musungule.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kadi unvua biebe mpindiu, Yakoba, mutu wanyi, wewe Isalele unakusungula.

Yeshaya 44:1 Referans Kwoze

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Yirmeya 30:10

Maweja-Nangila udi wamba ne: Nuenu bena Izrayele nudi bantu banyi, kanutshinyi to. Nuenu ndelanganyi ya Yakobe, kanuzakadi to. Bualu nennusungidile, nnumushe ku matunga adi kule. Nensungidile bana banudi balele badi mu matunga a bende, muvuabu baye nenu mu bupika. Bena Izrayele, nenupingane kuenu, nenusombe talalaa. Kabakunutatshisha kabidi to.

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Yeshaya 42:23

Wa kunudi udi uteleja bualu ebu bimpe nnganyi? Bualu ebu kabuena bunulongesha anyi? Kabuena bunuleja tshia kuenza anyi?

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Misambu 136:22

uvua mufile bumpianyi kudi Izrayele muena mudimu wende, bualu dinanga diende ndia kashidi.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 41:9

Meme kukukeba too ne ku nshikidilu kua buloba. Meme kukubikila, pauvua ku matunga a kule. Meme kukuambila ne: “To, tshiena mukubenge nansha. Ndi mukusungule. Muena mudimu wanyi ke wewe.”

Yeshaya 44:21

“Wewe Izrayele, tshisamba tshia Yakobe, vuluka bimpe ne: Udi muntu wanyi. Ndi mukufuke, bua unkuatshile mudimu. Izrayele, tshiena nkupua muoyi to.

Yeshaya 45:4

Bu mundi munange bantu banyi bena Izrayele, bena mudimu banyi bandi musungule, ndi nkuangata bu muena mudimu wanyi. Nenku meme ndi nkupesha lumu, nansha wewe kuyi mummanye.

Yeshaya 48:12

Maweja-Nangila udi wamba ne: Tshisamba tshia Yakobe, teleja, wewe Izrayele undi mubikile, teya matshi. Ndi wa momumue matuku onsu, ndi wa kumpala, ne kabidi wa ndekelu.