Yeshaya 4:4 - MUKANDA WA MYIDI MUKULU

⁴ Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nebabikidibue ku dina adi hashikisha Mukelenge kuvuwa bukoya bua bana bakashi ba mu Siona, ne halueye kumusha mamata a mashi a ba mu Yelushalema munkatshi mua musoko, ku nyuma wa kulumbulula kuakane ne ku nyuma wa kubutula.

Yeshaya 4:4 Referans Kwoze

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Yezekiyele 36:29

Nengumushe bubi buonsu pambidi penu. Tshiena nnutumina kabidi tshiyole tshia nzala to. Kadi nemmeneshe ntete mimpe ya kuenza bukula. Nennupeshe bintu bia bungi mu madimi enu.

Yeshaya 28:6

Neambuluishe bandumbulula, bua bakose nsambu amu pa yoyi. Neapeshe bantu bukitu bua kuipata muluishi udi ukeba kubuelela ku tshiibi tshia tshimenga.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Yezekiyele 22:15

Nennutangalaje munkatshi mua bisamba bikuabu, mu matunga a bende. Nenjikije malu mabi onsu anudi nuenza.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Yeshaya 9:5

Eyowa, mbatulelele muana, mbatupeshe muana wa balume. Mvidi Mukulu mmumuteke mukalenga. Nebamuinyike ne: “Muena meji wa dikema, Mvidi Mukulu wa bukole, Tatu wa kashidi, Mukalenga muana wa bupole.”

Yeshaya 1:31

Muntu wa dikanda neashale bu tshikamfu, tshia kutemesha natshi kapia. Malu ende mimpe neikale bu kantolentole ka kapia, kadi kuosha tshikamfu atshi. Bionsu bibidi nebiteme kapia pamue, kakuyi udi mua kubijima.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Sefanya 3:1

Yerushalayime udi muena diakabi. Udi tshimenga tshia bantomboji, tshia bena tshikisu, ne bena tshinyangu.

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Musambu wa Solomo 3:11

“Eyi, nsongakaji ya mu Yerushalayime, luayi, nutangile mukalenga Shelomu! Udi muase tshifulu tshivua mamuende mumupe dituku dia tshibilu tshia dibaka, divuaye musanke mutshionkomoke.”

Yeshaya 9:19

Badi bangata bintu ku dia balume, nzala yabu kayiyi ijika. Badi bangata binga ku dia bakaji, kabayi bukuta. Muntu yonsu udi ubutula mukuende.

Yeshaya 1:25

Wewe Yerushalayime, newikale nanyi tshilumbu. Nenkuele mu kapia bua kulengulula, kumusha bikanganya biebe, kumusha manyanu onsu adi munda muebe.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.