Yeshaya 32:5 - MUKANDA WA MYIDI MUKULU

⁵ Muntu mupote kabakumuangata kabidi ne mushinga to. Muntu wa tshidingidingi kabakumuteka kabidi mulongu wa bantu ba nsongu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kabena babikila muhote kabidi ne, Udi muntu wa butumbi, kabena bamba bua muena budimu ne, Udi muntu mimene.

Yeshaya 32:5 Referans Kwoze

Yeshaya 5:20

Bantu bonsu badi bamba bualu buimpe ne: mbubi, bamba bualu bubi ne: mbuimpe, bamba butoke ne: mmidima, bamba midima ne: mbutoke, bamba bintu bisheme ne: bidi ne bululu, bamba bidi ne bululu ne: mbisheme, mbena diakabi.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

1 Samuele 25:25

Kunangidi malu a Nabale to, bualu mmuntu mutshimbakane. Nabale mmumue ne: muntu mutshimbakane. Nanku, dina edi ndimukumbanyine, bualu kena ne lungenyi to. Kadi, mukalenga wanyi Davide, meme Abiyayile tshivua mumone bantu bebe bauvua mututumine to.

Misambu 12:8

Maweja-Nangila, wewe ke udi ukumbaja biudi ulaya. Bantu badi bakubenga badi bendakana miaba yonsu, bubi budi buvulangana mu bantu. Kadi utuepule bua katubuelakanyi ne bantu babi aba.

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.