Yeshaya 3:16 - MUKANDA WA MYIDI MUKULU

¹⁶ Maweja-Nangila udi wamba ne: “Bakaji ba mu Yerushalayime badi ne ditambisha. Badi benda bela mitu mulu, bakenzakana kabayi bundu, benda balunduka badisua, badidisha nkanu yabu ya ku mikolu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa udi wamba kabidi ne, Bualu bua bana bakashi ba mu Siona badi badisue, badi benda bolola nshingu yabo, bakenzakana mesu mabi, bazunzuka, bakuisha nkanu idi miela ku mikolo yabo;

Yeshaya 3:16 Referans Kwoze

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Matayi 21:5

“Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Musambu wa Solomo 3:11

“Eyi, nsongakaji ya mu Yerushalayime, luayi, nutangile mukalenga Shelomu! Udi muase tshifulu tshivua mamuende mumupe dituku dia tshibilu tshia dibaka, divuaye musanke mutshionkomoke.”

Nsumuinu 30:13

Bantu bakuabu badi batangila bantu nabu ne kapeja, badiela mulu.

Luke 23:28

Yezu ukudimuka, kubambilaye ne: — Nuenu bakaji ba mu Yerushalayime, kanudidi bualu buanyi to. Nudile bualu buenu, ne bua bana benu.

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Yeshaya 24:4

“Buloba budi mu madilu, budi bubutuka. Bukua bintu budi buenda bujimina, bubutuka. Diulu kabidi didi dienda dinyanguka, tshiapamue ne buloba.”

Yeshaya 3:18

Dituku adi, Maweja-Nangila neumbushe bionsu bidi bibalengeja: nkanu ya ku mikolu, bilengejilu bileja diba nansha ngondu;

Yeshaya 1:8

Yerushalayime nkayende ke udi mushale, kadi mmushale amu bu kazubu kakese mu budimi bua njilu, bu kazubu ka tshisasa mu budimi bua mvinyo, bu tshimenga tshiela munkatshi kudi baluishi batshi.

Nsumuinu 16:18

Udi uditambisha neabutuke. Udi udisua neapone panshi.

Yeshaya 3:1

Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.

Yeshaya 3:4

Maweja-Nangila udi wamba ne: “Ndi mbapesha bansongalume, bashale bamfumu babu. Nebabaludike mudibu basue.”

Yeshaya 3:17

Nenku Maweja-Nangila neabakungule mu mutu, neabashiye butaka.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.