Yeshaya 27:7 - MUKANDA WA MYIDI MUKULU

⁷ Kadi Maweja-Nangila mmunyoke bantu bende bikole, amu muvuaye munyoke bavua babakengesha anyi? Mmushipeshe bantu bende bungi buvuaye mushipeshe bavua bashipe bende anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakubakuma bu muakakumeye bakuabo bakabakuma, anyi? Bakushihibua bu muakashiheye bakabashiha, anyi?

Yeshaya 27:7 Referans Kwoze

Nahume 3:19

Mbakubutule kashidi, mbakutape mputa wa lubangu. Bantu bonsu badi bumvue muudi mubutuke, badi basanka, bakuma bikashi. Bualu uuvua kuyi mukengeshe, ne tshikisu tshiebe katshiyi tshipungila nnganyi?

Nahume 1:14

Nuenu bena mu tshimenga tshia Ninive, Maweja-Nangila udi ujadika ne: “Kanuakuikala ne ndelanganyi idi mua kunuinyika mena. Nembutule mpingu ya mitshi nansha ya biamu, idi mu nzubu ya nwidie yenu. Nennumbuile nkita, bualu kanuena ne mushinga ku mesu anyi.”

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Yirmeya 50:40

Maweja-Nangila udi wamba ne: Nenyangakaje ditunga dia Babilone, mumvua munyange Sodome, Ngomore ne bimenga bivua nabi mutumba. Muntu kakuasa, kakusombamu kabidi to.

Yeshaya 17:14

Dilolu bidi bitukuatshisha bowa bukole, kadi bangabanga ne kutshiabu, mbimane kuya! Ebi nebienzekele bantu badi batupawula bintu. Ebi nebienzekele bantu badi biba bintu bia mu ditunga dietu.

Yeshaya 17:3

Bukalenga bua Efrayime kabuakuikala kabidi ne bena mvita. Bena Damase kabakuikala kabidi ne mukalenga to. Bantu badi bashala ne muoyi mu Damase, nebikale bakese, mudi bena Izrayele mene. Maweja-Nangila muena bukole buonsu, ke udi ujadika nanku awu.

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 10:17

Maweja-Nangila, butoke bua bena Izrayele, neikale bu kapia, kadi kosha meba ne mingonga, kabibutula dituku dimue.

Yeshaya 30:31

Bena Ashure nebakuatshike bowa, padibu bumvua diyi dia Maweja-Nangila, bamona mutshi udiye ubanyoka nawu.

Yeshaya 31:8

Muena Ashure neafue ku muele wa mvita, udi kauyi muenze kudi bantu. Muele wa mvita udi kauyi wa bantu, neumubutule. Bena Ashure nebanyeme muele wa mvita udi kauyi wa bantu. Bilobu bia mvita biabu, nebaye nabi mu bupika.

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.