Yeshaya 27:5 - MUKANDA WA MYIDI MUKULU

⁵ Ke mundi nnyoka baluishi bonsu ba budimi buanyi, padibu kabayi bankeba, kabayi batua nanyi ndondu. Eyowa, bumvuangane nanyi.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Anyi muntu mubi alue biandi kuangata luhandu luanyi, bua adilengeshe nʼanyi; bulelela, adilengeshe nʼanyi.

Yeshaya 27:5 Referans Kwoze

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yobe 22:21

Utue ndondu ne Mvidi Mukulu. Nanku bionsu nebiende bimpe. Ke muudi mua kupeta diakalenga tshiakabidi.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Yeshaya 57:19

nembeleshe mbila ya disanka. Nempandishe, bushuwa nempandishe bantu bonsu, badi kule ne badi pabuipi. Ke mundi ngamba meme, Maweja-Nangila.”

Yeshaya 56:2

Muntu udi wenza bindi ngamba, udi ulama bimpe mikenji yanyi, unemeka bimpe dituku dia Dikisha, kayi wenza bualu bubi nansha bumue, ngwa diakalenga!”

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Yoshua 10:6

Kadi bena Ngibone kutuma bantu bua bambile Yoshuwa uvua mu mitanda ya mu Ngilgale ne: — Kubengi bua kutuambuluisha tuetu bapika bebe to. Luaku lukasa. Utuambuluishe, utusungidile. Bualu bakalenga bonsu ba bena Amore badi ku mikuna, mbumvuangane bua kutuluisha!

Luke 19:42

wamba ne: — Bu wewe mua kujingulula bidi mua kukupetesha ditalala! Kadi mpindiewu malu onsu aa mbakusokokewu. Kuena mua kuamona!

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.

Luke 14:32

Pikalaye kayi mua kumuluisha bimpe, udi umutumina mukenji patshidiye kule, umuebeja mudibu mua kumyuangana nende bua mvita kayenzeki.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Yeshaya 42:19

Nganyi udi mpofu? Amu nuenu bantu banyi! Nganyi udi ne mapapa? Amu nuenu bandi ntuma! — Eyowa, udi mpofu, bu muntu udi Mvidi Mukulu utuma, nnganyi? Udi ne mapapa, bu muntu wa Maweja-Nangila, nnganyi?