Yeshaya 21:4 - MUKANDA WA MYIDI MUKULU

⁴ Tshiena kabidi ne dikanda. Bowa budi bungenza. Mvua muindile kapepa katalale ka ku dilolu, kadi dilolu kumfikila amu ne bowa.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mutshima wanyi udi uhampakana, buowa buhite bukole buakuntshinyisha. Kafuanshimba kanakasua kakukudimuka kuzakala kundi.

Yeshaya 21:4 Referans Kwoze

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Danyele 5:5

Diba adi, tshianza tshia muntu kumuenekela pabuipi ne tshitekelu tshia miendu. Tshianza kufunda bualu ku tshimana tshia nzubu wa bukalenga tshivuabu balaba lupemba. Mukalenga pakumonaye tshianza etshi tshifunda,

Danyele 5:1

Dituku dikuabu, mukalenga Baltazare kulongoluela bantu banene tshinunu ba mu bukalenga buende didia dinene. Kunuaye nabumaluvu.

Yirmeya 51:57

“Nennuishe balombodi ba mu bukalenga buende, bena meji, bilobu, ne bamfumu bende, maluvu. Nebakuatshike. Nebalale bua kashidi, kabayi mua kujuka kabidi nansha.” Ke mudi mukalenga munene muambe! Dina diende mMaweja-Nangila wa bukole buonsu.

Yirmeya 51:39

Ndi nyilongoluela didia dinene, nenyinuishe maluvu ikuatshike. Neilale bua kashidi, kayena mua kujuka kabidi to. Meme Maweja-Nangila ndi ngamba nanku.

Estere 5:12

Amane kuamba kabidi ne: — Mukalenga mukaji Estere uvua mumbikile, amu meme nkayanyi, bua kufila mukalenga, mu didia divuaye mulambe muende lelu. Mmutubikile tshiakabidi ne mukalenga maloba.

Dielulula 28:67

Panuamona bionsu ebi, nenuikale ne bowa, dinda nenujinge bua butuku buila lukasa, butuku nujinga bua butshia lukasa.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Dielulula 32:11

Maweja-Nangila udi ukuba bena Izrayele, mudi nyunyi wa tshiminyi upapala pa mutu pa disua diende, wibidija bana bende bua kubuka mulu, nansha wolola mapuapua muinshi mua bana bua kabamatshi panshi.

Misambu 55:5

Ndi nzakala amu kuzakala. Bowa bua lufu budi bunkuata.

1 Bakalenga 1:49

Bantu bavua Adoniya mubikile ku-mvua bowa bua meyi onsu awu. Kujukabu kutangalaka, muntu yonsu kuya luende luseke.

Misambu 55:6

Ndi ntshina, ntutakaja menu, mubidi umvuayila.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.