Yeshaya 20:1 - MUKANDA WA MYIDI MUKULU

¹ Sargone, mukalenga wa bena Ashure, uvua mutume mulombodi wa kumpala wa bena mvita bende bua kuluisha tshimenga tshia Asdode tshia bena Peleshete, kutshikuata.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshiakulua Tâtana ku Ashedodo, mutumibue kudi Sâgona, mukelenge wa Ashû, wakaluangana ne bena musoko wa Ashedodo ne wakabahita bukole.

Yeshaya 20:1 Referans Kwoze

2 Bakalenga 18:17

Pavua mukalenga wa bena Ashure mu Lakishe, kutumaye mfumu mulombodi wa bena mvita, mutangidi wa bena midimu ba mu nzubu wa bukalenga, ne mulombodi wa badi bela maluvu, mu Yerushalayime kudi mukalenga Izkiya. Bavua ne musumba munene wa bena mvita. Bobu bamane kufika mu tshimenga, kuimanabu pabuipi ne tshiina tshia mayi tshivua kulu, mu njila udi muye ku budimi bua Enrojele.

Amosa 1:8

Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Yirmeya 25:20

ne bantu ba mu bisamba bishilangane badi basombe mu Ejipitu; — ke bakalenga ba ditunga dia Uze; — ke bakalenga ba bena Peleshete: bakalenga ba mu Askalone, ba mu Ngaza, ba mu Ekrone ne bena Ashidode bavua bashale ne muoyi;

1 Samuele 6:17

Bintu bivua bileja disama dia mulaka, bia tshiamu tshia mpawungi, bivua bena Peleshete balambula Maweja-Nangila, bua mulambu wa didia tshibalu bivua bungi nenku: bena tshimenga tshia Asdode bavua bafila tshintu tshimue, bena Ngaza tshimue, bena Askalone tshintu tshimue, bena Ngate tshintu tshimue ne bena Ekrone tshintu tshimue.

1 Samuele 5:1

Bena Peleshete bamane kunyenga mushete wa Mvidi Mukulu, kumukabu nawu muaba uvuabu babikila ne: Dibue-dia-diambuluisha, bua kuya nawu mu tshimenga tshia Asdode.

Yoshua 11:22

Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

2 Kulondolola 26:6

Uziya kuya kuluisha bena Peleshete. Kunyangaye bimana bia mu tshimenga tshia Ngate, tshia Yabane, ne tshia Asdode. Pashishe, kukoleshaye bimenga ne bimana, pabuipi ne tshimenga tshia Asdode, ne mu buloba bukuabu bua bena Peleshete.

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.