Yeshaya 2:11 - MUKANDA WA MYIDI MUKULU

¹¹ Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 2:11 Referans Kwoze

Misambu 18:27

Badi ne muoyi mutoke, udi ubaleja muoyi muimpe, ubenga ba muoyi mubi.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yeshaya 12:4

Dituku adi nenuambe ne: “Tumbishayi Maweja-Nangila. Numanyishe bantu dina diende. Nulondele bisamba bionsu malu a dikema avuaye muenze. Nukobole ne: Dina diende ndinene!

Mika 4:6

Maweja-Nangila udi wamba ne: “Dituku nedifike, dindi nsangisha badi batapika mputa, dindi mpingaja mu matunga abu, bamvua mukengeshe, mutume mu bupika.

Osheya 2:18

Maweja-Nangila udi wamba ne: Dituku adi neambikile ne: “Bayanyi.” Kakumbikila kabidi ne: “Baale wanyi”, mmumue ne: “Mfumuanyi”.

Yezekiyele 39:22

Biangatshile dituku adi, bena Izrayele nebajadike ne: meme ndi Maweja-Nangila Mvidi Mukulu wabu.”

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

2 Korente 10:17

Ke mudi Mukanda wa tshijila wamba ne: “Udi musue kuditemba, aditembe bua bidi Mfumu muenze.”

2 Korente 10:5

Tudi tubumbula nabi ditambisha dionsu didi dijikila njila wa kumanya Mvidi Mukulu. Tudi tuela meji onsu mu nkanu, bua itabe Kristu.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Zekâya 9:16

Dituku adi, Maweja-Nangila Mvidi Mukulu neasungidile bantu bende, mudi mulami wa mikoku usungidila mikoku yende. Nebakenke bu mabue a mushinga mukole, adi ku tshifulu tshia lumu. Nebele nsese mu ditunga.

Sefanya 3:16

Dituku nedifike, diambilabu Yerushalayime ne: “Tshimenga tshia Siyone, kutshinyi, kutekeshi muoyi nansha!

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Mika 5:10

Nennyange bimenga bia mu ditunga dienu, nengupule nzubu yenu yonsu idibu bakolesha ne bimana.

Obadya 1:8

Nanku meme Maweja-Nangila ndi ngamba ne: Dituku dingafika munda, nembutule bena meji badi mu Edome. Tshiena nshiya muena lungenyi nansha umue, pa mikuna ya Esawu.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Osheya 2:21

Izrayele, nenkusele, ushale muena kuanyi kashidi. Biuma bindi nkusela nabi, ke dikulamata dianyi, ke bilenga bindi nkuenzela, ke dinanga dindi nkunanga nadi, ke luse lundi nkufuila.

Osheya 2:16

Nanku nentekeshe mukaji awu, nemmupingaje kabidi mu tshipela, nemmuambile mundi mumunange bikole be.

Yezekiyele 39:11

“Malu onsu mamane kuenzeka, nempeshe Ngoge muaba mu Izrayele wa kujika bafue. Muaba awu newikale mu tshibandabanda tshia muaba wa Bapitshi ba mu njila, luseke ludi diba dipatukila lua Mayi manene a Luepu. Mu tshibandabanda amu, nebajikemu Ngoge ne bena mvita bende. Nkita eyi neyijikile bantu njila. Nebinyike muaba awu ne: ‘Tshibandabanda tshia bena mvita ba bungi ba Ngoge.’

Yezekiyele 38:19

Ndi nditshipa ne: dituku dindi mfika munda, buloba nebuzakale bikole. Nennyungishe ditunga dijima dia bena Izrayele.

Yezekiyele 38:14

Yezekiyele, ke pandi nkutumina diyi ne: akula, umanyishe Ngoge tshindi meme Maweja-Nangila Mvidi Mukulu ngamba ne: “Tshikondu tshikuabu tshidi bantu banyi bena Izrayele basomba talala, neubange luendu.

Yirmeya 9:24

Maweja-Nangila udi wamba ne: Dituku nedifike dindi nnyoka bantu bonsu badibu bateka panshi, kadi kabayi badilengeja,

Yeshaya 52:6

Ke mundi mfika. Bantu banyi nebamanye ne: meme ndi nganyi! Nebamanye ne: meme ndi mbambila malu malelela!”

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 30:23

Maweja-Nangila neanulokeshile, mvula bua maminu, anudi bakuna mu buloba, atoloke bimpe. Nenku nenunowe pa madimi enu ntete mivule, kabidi mimpe. Dituku adi, bimuna bienu nebikale ne biakudia bivule mu mpata mialabale.

Yeshaya 29:18

Dituku adi, badi ne mapapa, nebumvue bidibu babala mu mukanda. Bampofu badi bapatuka mu miidima, nebamone bimpe.

Yeshaya 28:5

Dituku dikuabu, Maweja-Nangila muena bukole buonsu neikale tshikata tshia lumu, tshifulu tshilengeja ne bilongu bimpe, tshisankisha bantu badi bashala ne muoyi.

Yeshaya 26:1

Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 4:1

Dituku adi, bakaji muanda mutekete nebafuilakane mulume umue, bamba ne: “Kuditatshishi bua kutudisha, nansha bua kutuvuadika. Tudi tulomba amu, bua tuikale bakaji bebe, katushadi bakaji bakamba katuyi ne bana!”

2 Tesalonike 1:10

Ebi nebienzeke dituku didi Mfumu ufika, bua bantu bonsu badi bende, bamutumbishe, bua bonsu badi bamuitaba, bamusamune. Nuenu kabidi nenuikale munkatshi muabu, bualu nuvua bitabe bituvua banulongeshe.

2 Samuele 22:28

Udi wambuluisha tshisamba tshidibu bafuisha bundu, upepeja badi baditambisha.

Misambu 20:8

Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Nsumuinu 30:13

Bantu bakuabu badi batangila bantu nabu ne kapeja, badiela mulu.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Mika 2:3

Ke padi Maweja-Nangila wamba ne: “Ndi nnulongoluela dikenga dinene. Kanuena mua kudipanduka, kanuena mua kuditambisha kabidi, bualu diba dia dikenga dikadi difika.”

Misambu 18:28

Udi usungidila badi badipuekesha, upetula badi baditambisha.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 94:2

Mulumbuluishi wa bantu, juka umonangane ne bena kapeja, ubapingajile bubi buvuabu benze.

Nsumuinu 16:5

Maweja-Nangila udi udiwula bantu badi baditambisha. Bushuwa neabanyoke kamuyi mpata.

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 14:15

Kadi mpindiewu, mbakuele mu bajangi, mu kandondu ka buloba.

Yeshaya 40:23

Maweja-Nangila udi upuekesha balombodi ba matunga, bashale bantu ba patupu. Udi uleja badi ne bumfumu, mudibu bantu ba patupu.

Yirmeya 12:9

Bantu banyi bakadi bu nyunyi muimpe, udibu bela munkatshi nseke yonsu kudi nyunyi midianganyi anyi? “Bikila nyama yonsu ya muitu! Ifike ku didia dinene!”

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”