Yeshaya 19:12 - MUKANDA WA MYIDI MUKULU

¹² Mukalenga wa bena Ejipitu, bena meji bebe bepi? Bakulongeshe, bakumanyishe tshidi Maweja-Nangila muena bukole buonsu mujadike bua kuenzela ditunga dia Ejipitu!

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku bena meji bebe badi kudi kunyi? Bobo bakuambile mpindiu, bamanye biabo bualu budi Yehowa wa misumba muhangidishe bua kuenzela Ejipitu.

Yeshaya 19:12 Referans Kwoze

1 Korente 1:20

Nanku tshidi muena meji, nansha muntu udi mulonge mikanda, nansha muedianganyi wa mpata wa panuapa, mua kuamba kabidi ntshinyi? Mvidi Mukulu mmumane kuleja ne: meji a bena panu mbupale!”

Rome 9:17

Mu Mukanda wa tshijila Mvidi Mukulu udi wambila mukalenga wa bena Ejipitu ne: “Mvua mukuteke mukalenga bua kuleja bukole buanyi munda muebe, ne bua lumu luanyi lutangalake pa buloba bujima.”

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yeshaya 44:7

Padi mvidie kampanda wela meji ne: tudi nende mumue, adileje apa, akule! Angumvuije bivuaye muenze. Uvua mumanyishe ku kale malu avua ne bua kuenzeka anyi? Udi mutuambile malu adi kaayi manji kuenzeka anyi?

Yeshaya 14:24

Maweja-Nangila muena bukole buonsu, mmuditshipe, wamba ne: “Bushuwa, tshionsu tshindi muele meji netshienzeke, tshionsu tshindi mushindike netshikumbane!

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!

Balombodi 9:38

Ke Zebule kuamba ne: — Malu onsu auvua wamba avua a dishima. Uvua wamba ne: “Abimeleke nnganyi mene bua tuetu kuikala ku bumfumu buende!” Mpindiewu Abimeleke udi ufika ne bantu bauvua upetula. Nanku uye kuluisha Abimeleke!

Obadya 1:8

Nanku meme Maweja-Nangila ndi ngamba ne: Dituku dingafika munda, nembutule bena meji badi mu Edome. Tshiena nshiya muena lungenyi nansha umue, pa mikuna ya Esawu.