Yeshaya 15:1 - MUKANDA WA MYIDI MUKULU

¹ Badi bamanyisha malu adi atangila bena “Mowabe.” Butuku bumue badi babutula tshimenga tshia Are tshidi mu ditunga dia Mowabe. Bantu badi bapuwa, bibatonda. Butuku bumue badi babutula tshimenga tshia Kire, tshidi mu ditunga dia Mowabe, bantu bapuwa bibatonda.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia tshijila bualu bua Moaba. Bualu bua mu butuku bumue bakubutula Ala wa Moaba, bakuyisha Moaba bu muaba wa hatuhu; bualu bua mu butuku bumue bakubutula Kî wa Moaba, bakuyisha Moaba bu muaba wa hatuhu.

Yeshaya 15:1 Referans Kwoze

Yeshaya 11:14

Nebaye bonsu pamue batangile luseke ludi diba dibuelela, ku mikuna ya bena Peleshete. Bonsu babidi nebaye batangile luseke ludi diba dipatukila, bua kupawula bisamba bidi mu tshipela. Nebakuate ditunga dia bena Edome ne dia bena Mowabe. Bena Amone nebikale ku bumfumu buabu.

Dibadika 21:28

Tshimenga tshia Eshebone ntshikuate kapia. Ndimi ya kapia mmibande mu tshimenga tshia Sihone. Kapia kabutulu Are mu ditunga dia Mowabe, kabutulu bakalenga bavua ku mikuna ya ku musulu wa Amone.

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 16:11

Ke pandi ndidila bena Mowabe, ne kanyinganyinga, ne muadi bu wa lunzenze. Muoyi wanyi udi ujinga Kire-Erese.

Yeshaya 16:7

Mpindiewu bena Mowabe, bakadi badila, bela miyenga ya miadi, badila mikata ya bimuma, ivuabu nayi mu musoku wa Kire-Erese. Badi badila bikole, kabayi bamona tshia kuenza.

Yeshaya 14:28

Mu tshidimu tshia lufu lua mukalenga Akaze, Mvidi Mukulu kutuma muambi Yeshaya ne mukenji, wamba ne:

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

2 Bakalenga 3:25

Kunyangakajabu bimenga. Yonsu wa kudibu kuimansha dibue mu madimi avua bena Mowabe badime, too ne pavua mabue mapite bungi mu madimi onsu. Kujibikilabu mpokolu yonsu, kupulabu mitshi ya bimuma yonsu. Anu tshimenga tshia Kirerese ke tshivua tshishale kabayi batshinyanga to. Kadi, bena mvita bavua ne ndundu ya kuela nayi nsoka, kunyungululabu tshimenga atshi, kutshiluisha.

Dielulula 2:18

“Mpindiewu nupitshile ku mikalu ya ditunga dia Mowabe, nukosoluele mu ditunga dia Are.

Dielulula 2:9

Maweja-Nangila kunkandika ne: “Kanubundi bena Mowabe, kanuluanganyi nabu to. Tshiakunupesha kantu nansha kamue ka mu ditunga edi to. Bualu ditunga edi dia Are, ndi mumane kudipesha ndelanganyi ya Lote.”

Yeshaya 25:12

Maweja-Nangila neabumbule bimana, ne nzubu mile ivua bena Mowabe bakoleshe, neabiele panshi mu lupuishi, abilandakaje.

Dielulula 2:19

Nenufike pabuipi ne ditunga dia bena Amone. Kadi kanubedi diyi, kanubabundi to, bualu bobu kabidi nndelanganyi ya Lote. Tshiakunupesha kantu nansha kamue ka mu ditunga diabu. Ndi mumane kubapesha ditunga edi.”

Yeshaya 16:6

Tuvua bumvue bakula ne: bena Mowabe badi baditambisha, badisua bikole, baditemba, badiamba tshianana, baditambisha patupu.