Yeshaya 13:9 - MUKANDA WA MYIDI MUKULU

⁹ Monayi dituku dia Maweja-Nangila dikadi pabuipi, dituku kadiyi tuseku, dia tshiji, dia tshinyangu ne tshikisu. Maweja-Nangila neandamune ditunga dijima, dishale amu tshipela. Bena buenzavi nebabutuke bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Monai, dituku dia Yehowa dilualua, dikengesha bantu, dikala dia tshikisu ne dia tshiji tshikole, ndia kuyuisha buloba bu tshihela tshia hatuhu, ndia kubutula bantu babi.

Yeshaya 13:9 Referans Kwoze

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Nahume 1:2

Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Misambu 104:35

Benji ba malu mabi bajimine pa buloba, bantu babi kabikadiku nansha! Maweja-Nangila, ndi musue kukuela tuasakidila. Bakutumbishe Maweja-Nangila, Aleluya!

Nsumuinu 2:22

Bantu badi kabayi bitabe Mvidi Mukulu, kabayi bamulamate, nebumukemu. Nebabipate kuabu.

Didimanyisha 18:8

Ke padi bipupu bionsu, bidibu bamulamina, ne bua kumukuata dituku dimue: disama dia lufu, madilu, ne tshiyole tshia nzala. Kapia nekamubutule. Bualu Maweja-Nangila udi umulumbuluisha, udi ne bukole.”

Yeshaya 9:19

Badi bangata bintu ku dia balume, nzala yabu kayiyi ijika. Badi bangata binga ku dia bakaji, kabayi bukuta. Muntu yonsu udi ubutula mukuende.

Yezekiyele 13:5

Kabena baye kulongolola miaba ya ku bimana bia tshimenga ivua minyanguke. Kabena bibake tshimana bua kupeta muaba wa kunyemena mvita dituku didi Maweja-Nangila ufika munda.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Zekâya 14:1

Dituku didi Maweja-Nangila ufika munda, dikadi pabuipi. Bena mu Yerushalayime, bantu nebabanyangane, bintu bienu, nuenu batangile.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Yeshaya 34:8

Bualu ke dituku didi Maweja-Nangila usombuela bantu. Ke tshidimu tshidiye ufuta baluishi ba Siyone malu mabi onsu avuabu benze.

Yeshaya 63:4

Mvua ne dijinga munda muanyi dia kusombuela bantu banyi lelu. Bualu tshikondu tshia kupikula bantu banyi tshiakumbanyi.

Yeshaya 66:17

Ndi ngamba apa bua bantu badi bumusha mikiya, bua kubuelabu mu mpangu mikuabu bua kutendelela mvidie. Badi bimane panyima pa muntu udi munkatshi, badia munyinyi wa ngulube, nansha wa mpuku, nansha bintu bikuabu bidibu kabayi mua kudia. Bantu aba nebabutuke tshiapamue. Maweja-Nangila ke udi wakula awu.

Yezekiyele 30:3

Nedikale dituku didi ne mavuba adi akuatshisha bowa. Nedikale dituku dia kulumbuluisha bisamba.

Yowele 2:1

Elayi mpungi mu Siyone, elayi mbila pa mukuna wa tshijila wa Mvidi Mukulu! Nuenu bonsu bena ditunga, nuzakale, bualu dituku didi Maweja-Nangila ufika munda dikadi pabuipi.

Sefanya 1:15

Dituku adi nedikale dia tshiji, dia dikenga ne kanyinganyinga, dia kubutula ne kushidisha. Dituku adi nedikale dia midima mikole, dia mavuba ne mabungi.