Yeshaya 10:12 - MUKANDA WA MYIDI MUKULU

¹² Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 10:12 Referans Kwoze

2 Bakalenga 19:31

Eyowa, mu Yerushalayime nemupatuke bantu badi bashale ne muoyi. Bantu nebimane pa mukuna wa Siyone.” Yeshaya uvua wamba kabidi ne: — Maweja-Nangila neakumbaje bualu ebu, bualu udi ununanga bikole.

Yirmeya 50:18

Nanku Maweja-Nangila wa bukole buonsu udi wamba ne: “Nennyoke mukalenga wa bena Babilone ne ditunga diende, bu mumvua munyoke kale mukalenga wa bena Ashure.

Yeshaya 65:7

Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Matayi 12:33

— Wewe musue kupeta bimuma bimpe, wikale ne mutshi muimpe. Wewe ne mutshi mubi, neupete bimuma bibi. Bualu badi bamanyina mutshi ku bimuma biawu.

Yezekiyele 31:14

Mbienzeke nenku bua mutshi mukuabu nansha umue udi upeta mayi a bungi kaulepi too ne mu mavuba, kauditambishi bua bule buawu. Bualu mitshi ne bantu bidi ne bua kufua, kujimina muinshi mua buloba, kupetangana ne bikadi bimane kufua.

Yezekiyele 31:10

“Mpindiewu, meme Maweja-Nangila ndi ngamba ne: Mutshi wa sedre kukola, kulepa, kuya too ne mu mavuba. Kadi mua kabidi uditambisha amu kuditambisha.

Yeshaya 50:11

Kadi nuenu bonsu badi batemesha kapia, badi benda ne kapia kasuika ku mikete mu bianza, ndimi ya kapia kenu neinukuate. Mikete inuvua batemeshe neinoshe. Ke bidi Maweja-Nangila musue kunuenzela. Nenukenge bikole, nufuilamu.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 9:9

“Nzubu ya tushole ivuabu bupule, nebibakulule ne mabue masonga! Nansha bobu bashimbule makunji a mitshi ya sikomore, ki mbualu to. Netupingaje pa mutu pawu makunji a mitshi ya sedre!”

Yeshaya 5:15

Nanku bantu bonsu nebiname badia buloba. Nansha muntu muena ditambisha, neinyike mesu panshi.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Nsumuinu 30:13

Bantu bakuabu badi batangila bantu nabu ne kapeja, badiela mulu.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Misambu 21:10

Pawamueneka ne tshiji, neuboshe mu tshikutu tshia kapia. — Eyowa, Maweja-Nangila ababutule, kapia kaboshe! —

Misambu 18:27

Badi ne muoyi mutoke, udi ubaleja muoyi muimpe, ubenga ba muoyi mubi.

Misambu 76:5

Mvidi Mukulu udi wa kutshina, udi mupite ne mikuna idi ishala tshiendelele!

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yeshaya 27:7

Kadi Maweja-Nangila mmunyoke bantu bende bikole, amu muvuaye munyoke bavua babakengesha anyi? Mmushipeshe bantu bende bungi buvuaye mushipeshe bavua bashipe bende anyi?

Yeshaya 29:14

Kadi nengenze kabidi malu adi atshikemesha. Meji a bena meji batshi, neashikile. Lungenyi lua bena lungenyi batshi, nelujimine.”

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 37:29

Wewe udi umfunyina meme! Mvua mumvue pauvua umpenda ne dikamakama. Nenku nenkutekeshe, nkuele kakanu ku diulu, ne lukanu lua tshiamu mukana. Nenkupingaje kuebe, amu mu njila muuvua mufumine.

Yirmeya 25:29

Tshiena mfuila tshimenga tshidi tshianyi meme luse. Ke nuenu kuela meji ne: katuena bena tshibawu. Nentume muele wa mvita, bua ushipe bantu bonsu badi mu buloba bujima. Ke mundi meme Maweja-Nangila wa bukole buonsu ngamba.”

Yirmeya 50:32

Muena ditambisha neatetuke, adishinde. Kakuena muntu udi umujula. Nengoshe bimenga biende ne kapia. Nebanyange bionsu bidibu nabi pabuipi.

Dibadika 24:24

Majuwa adi afumina ku Kitime. Badi babuela mu ditunga nebakengeshe bena Ashure, kabidi ne ndelanganyi ya Ebere. Kadi nansha bobu badi babuela nebabutuke.”

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Danyele 11:45

Nease mitanda yende ya bukalenga pankatshi pa mayi manene ne mukuna wa tshijila wa mu ditunga dipite buimpe. Koku aku nkuafuilaye, kakuyi muntu udi mua kumuambuluisha.”