Yeshaya 1:1 - MUKANDA WA MYIDI MUKULU

¹ Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tshikena kumona tshia Yeshaya, muana, wa Amoza, tshiakatangileye bualu bua Yuda ne Yelushalema, mu matuku a Uziya, Yotama, Ahaza ne Hezikiya, bakelenge ba Yuda.

Yeshaya 1:1 Referans Kwoze

2 Kulondolola 26:1

Pavua Uziya, muana wa Amashiya, ne bidimu dikumi ne bisambombu, bena Yuda kumusungula bua apingane tatuende mu bukalenga.

2 Bakalenga 18:1

Osheya, muana wa Ela, mumane kulala mu bukalenga bua Izrayele bidimu bisatu, Izkiya, muana wa Akaze kudia bukalenga mu Yuda,

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.

Yeshaya 6:1

Mu tshidimu tshia lufu lua mukalenga Uziya, meme kumona Maweja-Nangila musombe mu nkuasa wa bukalenga mutumbuke. Nzemba ya tshinkutu tshiende miuwule nzubu wa Mvidi Mukulu tente.

Yeshaya 2:1

Yeshaya, muana wa Amose, uvua umanyisha bantu malu avua Maweja-Nangila mumuleje, adi atangila bukalenga bua Yuda, ne tshimenga tshia Yerushalayime.

Misambu 89:19

Ngabu wetu, ngua Maweja-Nangila mukalenga wetu, ngua Mvidi Mukulu wa tshijila wa bena Izrayele.

Dibadika 24:16

Umvuayi diyi dianyi. Meme ndi ngumvua tshidi Mvidi Mukulu wamba. Ndi mmona bidi Maweja-Nangila wa bukole buonsu uleja. Yeye udi ummuenekela pandi mmukukuila.

Amosa 1:1

Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,

Yirmeya 23:16

Maweja-Nangila wa bukole buonsu udi wamba ne: “Kanuteleji tshidi bambi banuambila. Badi banuambila malu a dishima. Malu adibu banuambila adi mafuma mu ngenyi yabu nkayabu. Meme tshivua mubaleje bualu nansha bumue.

Yeshaya 40:9

Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

2 Bakalenga 15:32

Peka, muana wa Remalya, mumane kulala mu bukalenga bua bena Izrayele bidimu bibidi, Yotame, muana wa Azariya kudia bukalenga bua mu Yuda,

2 Bakalenga 15:7

Azariya mumane kufua, kumujiikabu mu lukita lua bena diku diabu, luvua mu Tshimenga tshia Davide. Muanende wa balume Yotame kumupingana mu bukalenga.

2 Bakalenga 15:1

Yerobowame mumane kulala mu bukalenga bua Izrayele bidimu makumi abidi ne muanda mutekete, Azariya, muana wa Amashiya, kudia bukalenga bua Yuda,

Bienzedi 26:19

— Nanku, mukalenga Agripa, tshivua mubenge bivua Mvidi Mukulu mundeje to.

Bienzedi 10:17

Petro uvua ulubakana, ukeba kujingulula malu avuabu bamuleje. Diba adi bantu bavua Korneliyuse mutume, bakavua bamane kuebeja, bua babaleje ku nzubu kua Simone. Mpindiewu bakavua mene ku tshiibi tshia nzubu.

Matayi 17:9

Patuabu bapueka ku mukuna, Yezu kubakandika ne: — Kanuambidi muntu malu anudi bamone aa, too ne pabika Muana wa muntu ku bafue.

Abakuke 2:2

Maweja-Nangila kungandamuna nanku: Funda bindi nkumanyisha, ubifunde bimpe pa mabaya, bua bonsu babibale, kakuyi lutatu.

Nahume 1:1

Mu mukanda ewu mudi malu avua Mvidi Mukulu mumanyishe muambi Nahume, wa mu musoku wa Elkoshe, bua kukanyina bena tshimenga tshia Ninive.

Mika 1:1

Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Osheya 1:1

Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.

2 Korente 12:1

Nansha kabiyi bimpe, ndi amu ne bua kuditemba. Bualu nudi numbambidika bua ngenze nanku. Nengakule mpindiewu bua malu avua Mfumu mundeje, munsokoluele.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

2 Bakalenga 15:13

Azariya mumane kulala mu bukalenga bua bena Yuda bidimu makumi asatu ne tshitema, Shalume, muana wa Yabeshe, kudia bukalenga bua Izrayele. Kadi, kushalaye mu bukalenga ngondu anu umue mu Samariya.

2 Bakalenga 19:2

Diakamue, kubikilaye Elyakime, mulombodi wa nzubu wa bukalenga, Shebna mufundi, ne bakulu ba batuangaji. Kubatumaye kudi muambi Yeshaya, muana wa Amosa. Bantu abu, bavua bavuala kabidi bilamba bia madilu.

2 Kulondolola 26:22

Malu onsu makuabu a Uziya a ku ntuadijilu ne a ku ndekelu, mbaafunde kudi muambi Yeshaya, muana wa Amosa.

2 Kulondolola 27:1

Yotame uvua anu ne bidimu makumi abidi ne bitanu, pawaye mubuele mu bukalenga bua bena Yuda. Kushalaye mu bukalenga bidimu dikumi ne bisambombu mu Yerushalayime. Mamuende wa Yotame uvua Yerusha, muana wa Sadoke.

2 Kulondolola 28:1

Akaze uvua ne bidimu makumi abidi, pawaye mubuele mu bukalenga bua bena Yuda. Uvua mushale mu bukalenga bidimu dikumi ne bisambombu mu Yerushalayime. Kavua muenze malu avua Maweja-Nangila musue, bu avua nkambua wende Davide muenze.

2 Kulondolola 29:33

Bavua bafila kabidi ngombe nkama isambombu, mikoku ne mbuji binunu bisatu bua milambu mikuabu.

Yeshaya 20:2

Bidimu bisatu kumpala kua dikuata dia tshimenga atshi, Maweja-Nangila kuambila Yeshaya, muana wa Amose, ne: “Vula bilamba bia madilu biudi nabi pambidi, ne bisabata biudi nabi ku makasa ebe.” Yeshaya kuenza nanku. Ukavua wendakana, kayi tshilamba nansha bisabata. Nanku, mu tshikondu tshivuabu bakuate tshimenga tshia Asdode, Maweja-Nangila kuambila muambi Yeshaya bivuaye ne bua kumanyisha bantu ne:

Yeshaya 37:2

Kutumaye diakamue Eliyakime, mulombodi wa nzubu wa bukalenga, Shebna, mufundi, ne bakulu ba batuangaji, kudi muambi Yeshaya, muana wa Amose. Bantu abu kuvuala kabidi bilamba bia madilu.

Yeshaya 38:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amose kufika kudiye bua kumusamba. Kumumanyishaye miaku ivua Maweja-Nangila muambe ne: “Diba diebe ndimane kukumbana. Udilongolole, bualu kuena upanda ku disama edi. Neufue.”

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Amosa 4:5

Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.