Yakobe 4:6 - MUKANDA WA MYIDI MUKULU

⁶ Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi yeye udi utuha ngasa muhite. Nunku Makanda wa Nzambi udi wamba ne, Nzambi udi uhidia badi badisue, kadi udi uha badi badihuekesha ngasa.

Yakobe 4:6 Referans Kwoze

Matayi 23:12

Wadibandisha, nebamupuekeshe; wadipuekesha, nebamubandishe.

Nsumuinu 3:34

Maweja-Nangila udi upetula badi bamupetula; kadi udi unanga bantu bapuekele.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Nsumuinu 18:12

Bantu badi baditambisha nebabutuke. Udi udipuekesha neapete lumu.

Misambu 138:6

Maweja-Nangila udi mulu mu diulu kadi udi umona bapuekele, umanya bena ditambisha pa bule.”

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Nsumuinu 22:4

Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yobe 22:29

Bualu Mvidi Mukulu udi unyanga midimu, idi bena ditambisha basue kuenza. Kadi udi wambuluisha bantu badi badipuekesha.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Luke 1:52

Uvua mutonkole bakalenga ba matunga mu nkuasa yabu ya bumfumu. Uvua muzangike ba muoyi mupuekele.

Nsumuinu 15:33

Udi utshina Maweja-Nangila udi upeta meji. Udi udipuekesha ke udi mua kupeta lumu.

2 Kulondolola 33:12

Pavua Menashe mu dikenga dinene, kutendelelaye Maweja-Nangila Mvidi Mukulu wende. Kutondaye bubi buende kumpala kua Mvidi Mukulu wa bankambua bende.

1 Samuele 2:3

Kanuakudi meyi a bungi bua kuditambisha, kanuakudi kabidi nansha a kapeja. Bualu Maweja-Nangila udi Mvidi Mukulu, mmumanye bionsu, ulumbuluisha bantu bua bionsu bidibu benza.

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

2 Kulondolola 32:26

Kadi, Izkiya ne bantu ba mu Yerushalayime, kutonda bubi buvuabu benze. Nanku, Maweja-Nangila kavua mubanyoke ne tshiji matuku avua Izkiya mu bukalenga to.

Matayi 13:12

Bualu muntu udi ne tshintu, neapete tshikuabu. Nanku neikale nabi bivule. Kadi udi kayi natshi, nebamunyenge tshikese tshidiye natshi.

2 Kulondolola 33:23

Kadi kavua utondela Mvidi Mukulu bubi buende, bu muvua tatuende Menashe muenze to. Uvua muenze malu mabi mapite a tatuende Menashe.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Yeshaya 54:7

Mvua mukutokele bushuwa, kadi amu bua katupa kipi. Kadi bu mundi nkunanga bikole, ndi nkuangata tshiakabidi.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

2 Kulondolola 33:19

Mu mukanda wa malu a Ozayi mbafunde kabidi ditendelela diende, ne mushindu uvua Mvidi Mukulu muitabe dilomba diende. Mbafundemu malu mabi avuaye muenze, ne muvuaye mutombokele Mvidi Mukulu. Mbafundemu kabidi miaba iwaye muase nzubu, ne makunji ne mpingu bia kutendelela mvidie ya bantu benyi, pavuaye kayi muanji kutondela Mvidi Mukulu mibi yende.

Yakobe 4:10

Nudipuekeshe kumpala kua Mfumu. Yeye neanubandishe.