Yakobe 4:5 - MUKANDA WA MYIDI MUKULU

⁵ Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nudi nuela meshi ne, Mukanda wa Nzambi udi wamba hatuhu ne, Nyuma wakatutekeleye munda muetu udi ujinga tô ne ku mukau, anyi?

Yakobe 4:5 Referans Kwoze

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

1 Korente 6:19

Kanuena bamanye ne: mubidi wenu udi nzubu wa Mueyelu wa Tshijila anyi? Mueyelu awu udi munda muenu. Nuvua baupete kudi Mvidi Mukulu. Nuenu nudi bintu bia bende bia Mvidi Mukulu.

Dibadika 11:29

Moshe kuandamuna ne: — Lekela kungumvuila mukawu! Meme ndi njinga ne: Maweja-Nangila apeshe bena Izrayele bonsu Mueyelu wende bua bikale bonsu bambi!

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Misambu 37:1

Musambu wa mu mukanda wa misambu ya Davide. Lekela kubaba bantu babi, kutekedi badi benza bibi lubabu.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Genese 37:11

Bana babu ne Yozefe kumunwuila lubabu. Kadi tatuende uvua anu uvuluka misangu mivule bilota abi.

Genese 30:1

Lakele umona ne: tshiena mulele, kumfuila mukenende mukawu. Kuambilaye bayende Yakobe ne: — Undeleshe panyi, bualu ndi mua kufua!

Genese 26:14

kumuna bimuna, ngombe, mikoku ne mbuji. Uvua kabidi ne bena mudimu ba bungi. Bua bungi bua bintu biende, bena Peleshete kumvuila Izake lubabu.

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Bienzedi 7:9

Bankambua kutekela Yozefe lubabu, kumupana bua ashale mupika mu Ejipitu. Kadi Mvidi Mukulu uvua nende.

Yowanane 10:35

Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Nsumuinu 21:10

Muntu mubi udi ukeba mua kuenzela bakuabu bibi. Kena umvuila nansha mulunda wende luse.

Misambu 106:16

Mu mitanda muvuabu, kutekelabu Moshe ne Arone, muena mudimu wa tshijila wa Maweja-Nangila lubabu.

Rome 1:29

Badi buwule tente ne malu mabi a mishindu yonsu: bubi, lukuka, tshikisu; badi ne lubabu munda tente, bashipangana, batandangana; bikale kabidi ne budimu, kabidi ne bibidilu bibi. Badi bena lubuakabuaka,

Rome 9:17

Mu Mukanda wa tshijila Mvidi Mukulu udi wambila mukalenga wa bena Ejipitu ne: “Mvua mukuteke mukalenga bua kuleja bukole buanyi munda muebe, ne bua lumu luanyi lutangalake pa buloba bujima.”

Yeshaya 11:13

Nenku bena Efrayime nebalekele mukawu, udibu batekela bena Yuda. Bena Yuda kabakuluisha kabidi bena Efrayime nansha.

Yowanane 19:37

Mbafunde kabidi miaku mikuabu mu Mukanda wa tshijila ne: “Bantu nebatangile uvuabu batubule.”

Yowanane 7:42

Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Genese 38:9

Kadi misangu yonsu ivua Onane ubuelela mukaji awu mu nzubu, uvua wela mayi a balume panshi. Bualu kavua musue kulela ne mamu awu nansha. Uvua mumanye ne: bana badibu mua kupeta ne mukaji awu, nebikale anu ba mukuluende.