Yakobe 3:9 - MUKANDA WA MYIDI MUKULU

⁹ Tudi tuela nalu Maweja-Nangila Tatu wetu tuasakidila. Kadi tudi tutshipa nalu bantu badi Mvidi Mukulu mufuke ku tshimfuanyi tshiende.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tudi tutumbisha nʼalu Mukelenge ne Tatu; tudi tuela nʼalu bantu bakafukibua ne tshifuanyikishi tshia Nzambi mulau.

Yakobe 3:9 Referans Kwoze

Misambu 10:7

Udi amu utshipa bantu, ubashima, ubadinga. Bidiye wamba bidi bikebela bantu dikenga ne diakabi.

Misambu 62:4

— Bonsu pamue nenuluishe muntu nkaya too ne ku diba kaayi? Nudi nukeba kunshipa bua tshinyi? Ndi amu bu tshimana tshibendame, bu lupangu lukeba kupuka.

Misambu 59:12

Kadi kubabutudi musangu umue nansha. Tshianana, bena tshisamba tshianyi badi mua kupua muoyi biudi mungenzele. Tangalaja bantu babi ku bukole buebe, ubafine! Maweja-Nangila, wewe udi ngabu wetu.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

Bienzedi 2:26

Ke padi muoyi wanyi ne disanka, ntua tshianga, tshionkomoka. Nansha mubidi wanyi muikale ne butekete, nendale ne ditekemena ne:

2 Samuele 19:21

Ndi mumanye bimpe ne: ndi muenze bibi. Kadi, mukalenga, lelu umone mundi mupueke bua kusambakena nebe, bena Izrayele bakuabu bonsu ba ku mutu wa ditunga kabayi banji kufika.

Genese 5:1

Ke mena a bantu ba ku ndelanganyi ya Adame: Dituku divua Mvidi Mukulu mufuke bantu, wakabafuka bamufuane yeye Mvi-di Mukulu.

1 Korente 11:7

Nanku muntu mulume kena mua kuvuala tshintu ku mutu, bualu udi tshimfuanyi tshia Mvidi Mukulu, tshidi tshileja butumbi buende. Kadi mukaji udi uleja butumbi bua bayende.

Rome 3:14

Mukana muabu mmuwule ne mitshipu, kabidi ne miaku mibi.

Matayi 26:74

Ke Petro kuamba ne: — Bu meme nshima, Mvidi Mukulu annyoke! Ndi nditshipa ne: tshiena mumanye muntu ewu nansha! Amu diba adi, tshitala kusamatshi.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Muambi 7:22

Bualu tudi bamanye ne: tuetu kabidi tudi tujana bantu bakuabu misangu mivule.

Misambu 108:1

Musambu wa mu mukanda wa misambu ya Davide.

Misambu 71:24

Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.

Misambu 63:4

Dinanga diudi munnange nadi, ndipite muoyi ku mushinga. Ke pandi nkutumbisha,

Misambu 57:8

Mvidi Mukulu wanyi, ndi muele meji a bungi munda muanyi, Ke pandi musue kukuimbila misambu bua kukusamuna.

Misambu 51:14

Nsanke tshiakabidi, bualu udi mumpandishe. Umpe muoyi wa kukutumikila.

Misambu 35:28

Meme kabidi nemmanyishe bantu muudi ne diyi dimue, nenkutumbishe matuku anyi onsu!

Misambu 34:1

Musambu wa mu mukanda wa misambu ya Davide muimbe pavuaye mudienze bu mupale kumpala kua Abimeleke, Abimeleke kumuipata mu lubanza luende lua bukalenga.

Misambu 30:12

Uvua wandamuna kanyinganyinga kanyi, kenza tshianga tshia disanka. Uvua mumvule tshilamba tshia madilu, mumvuadike tshia tshibilu.

Misambu 16:9

Ke pandi nsanka, nsanguluka, nsomba talalaa, tshiyi ntshina.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

1 Kulondolola 29:10

Davide udi utendakena Maweja-Nangila, bena Izrayele bonsu basangile, wamba ne: — Maweja-Nangila, Mvidi Mukulu wa nkambua wetu Yakobe, atumbe lelu ne kashidi!

2 Samuele 16:5

Mukalenga Davide ufika pabuipi ne Bakurime, kusambakena ne muntu mukuabu, ufuma mu musoku. Dina dia muntu awu divua Shimeyi, muana wa Ngera. Uvua wa mu tshisamba tshimue ne Shawule. Shimeyi kutuadija kutshipa mukalenga Davide,

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Misambu 145:21

Mukana muanyi mutumbishe Maweja-Nangila ne misambu! Bionsu bidi ne muoyi biele Mvidi Mukulu wa tshijila tuasakidila bua kashidi!

Misambu 145:1

Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Yakobe 3:10

Mukana mumue mudi mupatuka miaku ya kuela tuasakidila ne ya kutshipa. Bana hetu, kanuenji nanku.