Yakobe 3:16 - MUKANDA WA MYIDI MUKULU

¹⁶ Bualu muaba udi lubabu ne difuilakana dia mianzu, ke udi kabidi tshimvundu ne buenzavi bua mishindu yonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua hadi mukau ne difuilangana hadi diyoyo ne malu mabi onso.

Yakobe 3:16 Referans Kwoze

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

1 Korente 14:33

Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Genese 11:9

Badi babikila tshimenga atshi ne: Babele, bualu Maweja-Nangila uvua mubondakajilamu miakulu ya bisamba bionsu. Kabidi uvua mumuangalajilamu bantu pa buloba bujima.

Bienzedi 19:29

Tshimyundu kutampakana mu tshimenga tshijima. Bantu kukuata Ngayuse ne Aristarke, bena Masedoniya babidi bavua mu luendu ne Polu. Kubapulumunabu, kuya nabu mu lupangu lua manaya, muvua bantu bonsu bafuilakana bua kubuela.

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Genese 38:9

Kadi misangu yonsu ivua Onane ubuelela mukaji awu mu nzubu, uvua wela mayi a balume panshi. Bualu kavua musue kulela ne mamu awu nansha. Uvua mumanye ne: bana badibu mua kupeta ne mukaji awu, nebikale anu ba mukuluende.

Marke 3:25

Padi bena diku dimue baluishangana nkayabu, diku edi kadiena mua kutungunuka nansha.