Yakobe 3:13 - MUKANDA WA MYIDI MUKULU

¹³ Munkatshi muenu mudi muntu wa meji ne wa lungenyi anyi? Abileje ku malu mimpe adiye wenza, ku butalale bua malu, ne ku meji adiye ufila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Muntu kai udi ne meshi ne lungenyi munkatshi muenu? Ku muoyo wandi muimpe aleshe bantu bienzedi biandi mu kalolo kadi ne meshi.

Yakobe 3:13 Referans Kwoze

Ngalate 5:23

bupole, didikanda. Bushuwa, mikenji kayena ibengangana ne malu a nanku.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Matayi 5:5

Bantu badi ne bupole, ke bena diakalenga, bualu nebapiane buloba buvua Mvidi Mukulu mubalaye!

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

Tite 3:2

Kabajanyi muntu. Bikale bakebi ba bupole, badi bamanye mua kutuangaja bantu. Bikale kabidi ne diyi dimpe kudi bantu bonsu, kabayi bapungila.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

Muambi 8:1

Muntu nansha umue kena muena meji wa menemene. Udi mua kumvuija bidi bienzeka nnganyi? Kadi muntu wa meji udi uleja mpala wa disanka, minyengu ijimina.

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

1 Timote 4:12

Muntu kakupetudi bua paudi nsongalume. Uleje bena ditaba malu mimpe a dinanga, a ditaba, ne a bunonoke, mu bionsu biudi wamba, ne bionsu biudi wenza.

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Yakobe 3:1

Bana hetu, kanujingi kuikala ba bungi ku bulongeshi. Bualu nudi bamanye ne: tuetu balongeshi, nebatulumbuluishe ne disu dikole, bipite mudibu balumbuluisha bakuabu.

Efeze 4:2

Diba dionsu nudipuekeshe. Nuikale ne lutulu, kabidi ne diyi dimpe. Nulengululangane bilema, nunangangane.

Ngalate 6:4

Muntu yonsu akonkonone nsombelu wende. Pikala nsombelu wende muimpe, asanke bua bivuaye muenze, kayi udifuanyikija ne bakuabu.

Ngalate 6:1

Bana hetu, bu mudi Mueyelu unulombola, nuenu bajikile muntu wenza bualu bubi, numupingaje mu njila mululame ne miaku mimpe. Yonsu wa kunudi amanye ne: badi mua kunteta ne meme kabidi.

2 Korente 8:24

Nubaleje munudi babanange bulelela, bua mu Bisumbu bionsu bia bena ditaba bantu bajadike ne: tuvua tuditemba bualu buenu amu pa bualu.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Matayi 21:5

“Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Sefanya 2:3

Nuenu bantu bapuekele bonsu ba mu ditunga, badi batumikila mikenji yende, pinganayi kudi Maweja-Nangila. Kumbajayi tshidiye musue, inyikayi mitu yenu kumpala kua Maweja-Nangila Mvidi Mukulu. Nanku dituku didi Maweja-Nangila ufika munda, bumue kena ununyoka nansha.

Yirmeya 9:12

Maweja-Nangila nkayende kuandamuna ne: “Bualu bantu mbabenge mikenji imvua mubapeshe. Kabena bateleja nansha bakumbaja bimvua mubambile to.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Misambu 149:4

Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

1 Petro 3:4

Kadi buimpe buenu buikale bua mundamunda, budi kabuyi bunyanguka. Nuikale ne muoyi wa lutuulu ne wa bupole. Ke bidi ne mushinga muvule ku mesu kua Mvidi Mukulu.

1 Korente 6:5

Ikalayi ne bundu! Munkatshi muenu kamuena muntu nansha umue wa meji udi mua kukosa nsambu ya bana babu anyi?

Matayi 7:24

— Nenku muntu yonsu udi unteleja, wenza bindi ngamba ebi, neafuanangane ne muena lungenyi, uvua muibake nzubu wende pa dibue.

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Yeshaya 60:6

Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Muambi 8:5

Muntu udi witaba diyi diende, kakumona bualu bubi to. Kadi muntu wa meji udi mumanye bidiye ne bua kuenza, kabidi diba didiye ne bua kubienza.

Misambu 45:4

Tshilobu, suika mukaba, upayike muela. Ke bidi bileja butumbi ne lumu biebe.

Misambu 25:9

Udi ulombola bapuekele mu njila wa buakane, ubalongesha tshidiye musue.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yeshaya 29:19

Maweja-Nangila neavudijile bantu bapuekele disanka. Bantu badiombola ba mu buloba, nebasanke, bualu bua Maweja-Nangila wa tshijila, Mvidi Mukulu wa Izrayele.

1 Petro 1:15

Kadi nuikale bantu ba tshijila mu nsombelu wenu mujima, amu mudi Mvidi Mukulu udi munubikile wa tshijila.

Misambu 122:8

Bua dinanga dindi, munange bana betu ne balunda banyi, ndi nkujingila bupole.