Yakobe 1:18 - MUKANDA WA MYIDI MUKULU

¹⁸ Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bua mu disua diandi yeye wakatufuka ne dî dia bulelela, bua tuetu tuikale mamuma makuabo a kumudilu a bifukibua biandi.

Yakobe 1:18 Referans Kwoze

1 Petro 1:23

mBanulele tshiakabidi, ki nkudi batatu badi bafua, kadi kudi Tatu udi ne muoyi wa tshiendelele, ku muaku wa muoyi wa Mvidi Mukulu udi ushala kashidi.

Yowanane 1:13

Kabena babalele ku bukole bua mashi, mudi tatu wa pa buloba ulela muana. Kadi Mvidi Mukulu nkayende ke udi mubapeshe muoyi mupiamupia.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

Efeze 1:12

Nanku tutumbishayi Mvidi Mukulu bua buneme buende, bualu tuetu ke bavua badianza kutekemena kudi Kristu!

1 Yone 3:9

Muntu yonsu udi muana wa Mvidi Mukulu, udi ulekela kuenza malu mabi, bualu bukole bua muoyi budi bufuma kudi Mvidi Mukulu budi munda muende. Bu mudi Mvidi Mukulu Tatuende, kena mua kutungunuka ne dienza malu mabi to.

Ebrewu 12:23

Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

1 Korente 4:15

Bualu, nansha nuenu bapete balongeshi binunu dikumi, badi banuludika mu njila wa Yezu Kristu, kadi tatuenu udi anu umue. Bualu bu mumvua munutuadile Lumu lua Disanka, ndi mudienze tatuenu mu njila unudi nulonda badisange ne Yezu Kristu.

Rome 4:17

mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Lewitiki 23:10

bua amanyishe bena Izrayele mikenji idi ilonda eyi ne: “Panudi bamane kufika mu ditunga dindi munupe, nuye kudi mutuangaji ne biakudia bia tshianyi bia mu madimi enu binudi nunowa.

2 Korente 6:7

ku malu atudi tulongesha amu pa wowu, ne ku bukole butudi tupeta kudi Mvidi Mukulu. Nanku tshia mvita tshitudi tudisungidila natshi, nansha tshitudi tuluisha natshi bakuabu, ke malu mimpe atudi tuenza, adi Mvidi Mukulu ne bantu mua kuanyisha.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

2 Timote 2:15

Ukuate mudimu bimpe, bua bakuanyishe kudi Mvidi Mukulu, bu muena mudimu udi kayi ne bua kufua bundu bua mudimu wende, bualu udi umanyisha muaku wa Mvidi Mukulu mu bulelela.

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.