Tite 3:15 - MUKANDA WA MYIDI MUKULU

¹⁵ Bantu bonsu batudi nabu kunu, badi bakuela muoyi. Ela badi badisanga netu mu ditaba muoyi. Dinanga dia Mvidi Mukulu dishindame munda muenu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bonso badi neanyi badi bakuela muoyo. Ela bonso badi batunanga mu ditabusha muoyo. Ngasa ikale ne buonso buenu.

Tite 3:15 Referans Kwoze

Ebrewu 13:25

Dinanga dia Mvidi Mukulu dishindame munda muenu bonsu.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

Kolose 4:18

Miaku indi nnuela nayi muoyi eyi, ndi nyifunda ku tshianza tshianyi. — Kanupu muoyi ne: ndi mu lukanu. Dinanga dia Mvidi Mukulu dishindame munda muenu.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

3 Yone 1:1

Meme Mukulu, ndi mfundila Ngayuse wanyi, undi mupite kunanga, mukanda ewu.

Filemone 1:5

Bualu ndi ngumvua bantu bamba muudi unanga bena tshisamba tshia Mvidi Mukulu bonsu, kabidi muudi witaba mfumu Yezu.

2 Timote 4:22

Mfumu ikale nebe. Dinanga dia Mvidi Mukulu dishindame munda muenu.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

1 Korente 16:23

Dinanga dia Mfumu Yezu dishindame munda muenu.

Matayi 5:47

Panudi nuela anu bana benu muoyi, nudi nuenza bualu bupiabupia bua dikema anyi? Bantu ba bisamba bikuabu badi benza pabu nanku.

Bienzedi 20:34

Nudi bamanye nuenu bine mumvua mukuate mudimu bua kupeta bionsu bituvua tukengela, meme ne bavua nanyi mu luendu.