Tite 1:5 - MUKANDA WA MYIDI MUKULU

⁵ Mvua mukushiye mu tshidila tshia Kreta, bua wewe kulongolola bimvua meme tshiyi mujikije. Nanku mu tshimenga tshionsu uteke bakulu ku mutu kua Tshisumbu tshia bena ditaba. Uvuluke meyi ne mikandu bimvua mukushile.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua bualu ebu nakakushîa mu Kulete, bua wewe kulongolola malu akadi mashale, ne bua wewe kusunguisha bakulu ku musoko ne ku musoko bu munakakuambila;

Tite 1:5 Referans Kwoze

Bienzedi 14:23

Bavua bateka bakulu mu Tshisumbu tshionsu tshia bena ditaba. Bamane kujila biakudia, kutendelelabu Mvidi Mukulu amue matuku. Pashishe kubatekabu mu bianza bia Mfumu, uvuabu bitabe.

1 Timote 1:3

Bu mumvua mukulombe, pamvua nya ku Masedoniya, shala mu Efeze. Bualu bantu badimu badi balongesha malu adi kaayi malelela. Ubakandike! Balekele kuenza nanku!

Muambi 12:9

Muambi uvua ulongesha bantu bivuaye mumanye, kayi upungila. Uvua mufunde nsumuinu ya bungi yeye mumane kujadika bulenga buayi.

1 Korente 14:40

Bionsu bienzeke amu ne kanemu, bilondangane bimpe.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

1 Korente 11:34

Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

Bienzedi 27:21

Bantu bavua mu majuwa, matuku mavule kabavua nansha badia. Nanku Polu kuimana kulu kumpala kuabu, ubambila ne: — Bana betu, nuvua mua kunteleja, tuetu kushala mu Kreta. Nanku bintu bietu kabivua mua kunyanguka, nansha kujimina to.

Bienzedi 27:12

Luseke lukuabu katuvua ne mushindu wa kupitshisha bimpe tshikondu tshia mashika mu tshisabu atshi to. Ke pavua bantu ba bungi bavua mu majuwa bajinga kumuka, bua kufika mu tshisabu tshia Fenikse, bu biobi mua kuenzeka. Tshisabu atshi tshivua mu tshidila tshia Kreta, luseke ludi diba dibuelela luatshi. Tshivua muaba muimpe wa tuetu kupitshisha muvu wa mashika.

Bienzedi 27:7

Matuku mavule majuwa avua enda amu bitekete. Tuvua batate bikole bua kufika pabuipi ne tshimenga tshia Knidose. Bu muvua lupepele lutupumbisha mua tuetu kutungunuka luseke alu, tuetu kubenda, batangile ku tshidila tshia Kreta, kupitshila ku lusongu lua buloba bua Salmona.

Bienzedi 11:30

Kuenzabu nanku. Kutumabu Barnabase ne Shawule ne bintu abi kudi bakulu ba mu Yudeya.

Yeshaya 44:7

Padi mvidie kampanda wela meji ne: tudi nende mumue, adileje apa, akule! Angumvuije bivuaye muenze. Uvua mumanyishe ku kale malu avua ne bua kuenzeka anyi? Udi mutuambile malu adi kaayi manji kuenzeka anyi?

Kolose 2:5

Nansha meme tshiyi nenu pabuipi, kadi mu lungenyi ndi nenu. Ndi nsanka bua kumona munudi benze tshintu tshimue, bitabe Kristu ne muoyi mushindame.

Bienzedi 2:11

Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

1 Kulondolola 6:32

Mali, Mushi, Merari ne Levi.

Bienzedi 27:13

Kapepe kavua kafuma kuinshi kua ditunga. Bantu kuela meji ne: tudi mua kukumbaja mutudi tujinga. Nanku kupatulabu longu mu mayi. Bavua bendesha majuwa, balamata menemene ku muelelu wa tshidila tshia Kreta.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

Tite 1:12

Muena Kreta menemene, umue wa ku bambi babu, uvua wamba ne: “Bena Kreta badi amu bena dishima, nyama ya lonji, bena lulengu, basombela anu bua kudia.”

Lewitiki 14:42

Nenku, nebapingaje mabue makuabu, basunguile tshiakabidi miaba ivua mabue ayi.