Rute 2:10 - MUKANDA WA MYIDI MUKULU

¹⁰ Rute kuinyika mutu panshi, ukema, umukonka ne: — Mmunyi muudi mungangate ne musangelu, bu muntu mumane kummanya kuonsu eku, panyi muikale muntu muenyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe yeye wakakuma mpala wandi hanshi, wakamukukuila, wakamukonka ne, Meme nakasangana luse ku mesu kuebe bualu kai bua wewe wakunjingulula wakuntangila, meme muenyi?

Rute 2:10 Referans Kwoze

1 Samuele 25:23

Anu Abiyayile umona Davide, kutulakaye lukasa pa nyama wende wa mpunde. Kutuaye mpala panshi,

Rute 2:13

Pashishe, Rute kuamba ne: — Mukalenga, ndi nkuela tuasakidila, bua paudi munsambe, munkoleshe ku muoyi, meme tshiyi nansha bu umue wa ku bakaji bena mudimu bebe.

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

Luke 1:48

Bualu mmuntabele meme muntu wende, muntu wa patupu. Eyowa, biangatshile mpindiewu, bantu ba mu bikondu bionsu nebangambe ne: mmuena diakalenga.

Luke 1:43

Meme mene ndi nganyi? Mudi mamuende wa Mfumu mua kuvua kunsamba nunku mbishi?

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

2 Samuele 9:8

Mefibaale, kuinyika mutu, wamba ne: — Mukalenga, udi utata bua kungenzela bionsu abi bua tshinyi? Meme, ndi bu mbua mumane kufua.

Matayi 25:35

Bualu mvua ne nzala, nuenu kumpesha tshiakudia. Mvua ne nyota, nuenu kumpesha tshiakunua. Mvua muenyi, nuenu kumbueja mu nzubu muenu.

Rute 2:2

Dituku dikuabu, Rute kuambila Nowemi ne: — Ndi nkulomba bua kuya kupumbulula biakudia, bidi banowi benda bashiya mu budimi. Nempete muntu udi mua kumfuila luse. Nowemi kumuandamuna ne: — Ndaku, mukaji wa muananyi.

Genese 18:2

Abrahame ukenzakana, kumona bantu balume basatu bimane pabuipi nende. Kujukaye lubilu bua kubakidila. Kuinyikaye mutu panshi.

Rute 2:9

Mesu ebe atangile anu budimi budibu banowa. Wenda ubalonda anu munyima. Ndi mukandike bena mudimu bua kabakutatshishi. Padi nyota ikusuma, uye kunua mayi adi bena mudimu basuna mu mabungu.

Rute 2:11

Bowaze kuandamuna ne: — Bakadi bamane kundondela, bangumvuije malu onsu auvua muenzele mamuenebe panyima pa lufu lua bayebe. Ndi mumanye muudi mushiye baledi bebe ne ditunga dienu dikulela. Wewe kuya kudi bantu bamua kuyi muanji kumanya.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Rute 2:19

Nowemi kumukonka ne: — Uvua muenze mudimu lelu penyi? Uvua mupumbulule bionsu ebi mu budimi bua nganyi? Mvidi Mukulu ele muntu uvua mukuakidile biakane ewu lupemba! Rute kulondela mamuenende bionsu biwabu bamuenzele, wamba ne: — Bintu ebi ndi mubipumbulule mu budimi bua Bowaze.

2 Samuele 7:18

Ke mukalenga Davide kuya mu ntenta wa tshijila, kumpala kua Maweja-Nangila, umulomba ne: — Maweja-Nangila Mvidi Mukulu wanyi, ndi mumanye ne: meme ne bena nzubu wanyi, katuvua bakanyine kupeta bionsu biudi mutuenzele ebi to.