Rute 1:6 - MUKANDA WA MYIDI MUKULU

⁶ Patshivuabu mu Mowabe, Nowemi kumvua ne: Maweja-Nangila mmutuadije kutabalela bena tshisamba tshiabu, mubavudijile biakudia mu madimi. Nanku, kudilongololaye bua kumuka mu buloba bua Mowabe ne bakaji ba bana bende, kupingana mu buloba bua Yuda.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hashishe yeye wakabika ne ba mamuenʼandi bua kumukeye mu buloba bua Moaba, bualu bua yeye wakamana kunvua lumu mu buloba bua Moaba ne, Yehowa wakashala kuhingana kudi bantu bandi bua kubaheye bia kudia kabidi.

Rute 1:6 Referans Kwoze

Misambu 132:15

Eyowa, nengenzele Siyone bimpe, mmupeshe tshiakudia, nempeshe bapele bende biakudia bionsu, bidibu nabi dijinga.

Misambu 111:5

udi upesha badi bamutshina biakudia, udi uvuluka ndondu wende matuku onsu.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Ekesode 3:16

Ndaku, ubikile bakulu ba bena Izrayele bonsu, ubambile ne: “Maweja-Nangila, Mvidi Mukulu wa bankambua benu, wa Abrahame, wa Izake ne wa Yakobe mmummuenekele. Mmungambile ne: Ndi mumone mudibu banukengesha kudi bena Ejipitu.

Luke 19:44

Wewe ne bantu bebe nebanubutule muebe butubutu. Kabakukushila dibue ditentekaja pa dikuabu. Bualu wewe kuena mujingulule tshikondu tshivua Mvidi Mukulu mufike bua kukusamba!

Luke 1:68

— Maweja-Nangila Mvidi Mukulu wa bena Izrayele atumbe! mMuvue kusamba ne kupikula bantu bende.

Matayi 6:11

Utupe tshiakudia tshietu ku dituku ku dituku.

Yirmeya 29:10

“Maweja-Nangila udi wamba kabidi mpindiewu ne: Bukalenga bua bena Babilone nebushale kabidi bidimu makumi muanda mutekete. Diba adi nennusungidile. Nenkumbaje malu mimpe amvua munulaye. Nennupingaje mu Yerushalayime.

Yeshaya 55:10

Mvula ne mabungi bidi biloka. Kadi kabiena bipingana mulu, amu bianji kubolesha buloba, kubufukisha, amu bianji kumeneshamu ntete. Ntete eyi idi ipetesha mikuabu idibu mua kumiamina, ne mikuabu idibu mua kudia.

Sefanya 2:7

Bena Yuda badi bashale ne muoyi, nebakuate ditunga dienu. Nebadishilemu bisumbu bia nyama yabu. Butuku nebaye kulala mu nzubu ya mu Askalone. Maweja-Nangila Mvidi Mukulu wabu neabenzele bimpe, neakudimune dikenga diabu, dienza disanka.

Misambu 146:7

Udi ulumbuluila bantu badibu bakengesha, upesha badi ne nzala tshiakudia, usulula badi mu nkanu.

Misambu 145:15

Bonsu mbakutangile wewe Maweja-Nangila, batekemena bua ubapeshe tshiakudia diba didibu batshikengela.

1 Samuele 2:21

Maweja-Nangila kuambuluisha Ane. Kulelaye bana ba balume bakuabu basatu ne ba bakaji babidi. Kadi Samuwele muana uvua wenda ukola kumpala kua Maweja-Nangila.

Genese 50:25

Yozefe kutshipisha bana babu, ubambila ne: “Pikala Mvidi Mukulu munumushe mu ditunga edi, numuangale ne mifuba yanyi.”

Genese 48:15

Ke kuelaye Yozefe lupemba, wamba ne: Ndi ntendelela Mvidi Mukulu, uvua bankambua banyi, Abrahame ne Izake, bitabe, Ndi ntendelela Mvidi Mukulu, udi mundame too ne ku mpindiewu.

Genese 28:20

Yakobe kulaya Maweja-Nangila ne: — Wewe muikale nanyi, mundame bimpe mu luendu luanyi, mumpeshe biakudia ne bia kuvuala,

Genese 21:1

Maweja-Nangila kusankisha Sara, kumukumbaja bionsu bivuaye mumulaye.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Timote 6:8

Nanku tuetu ne biakudia, kabidi ne bilamba, mbikumbane.

Misambu 147:14

Maweja-Nangila udi ubueja bupole mu buloba buebe, ukupesha ntete ya kuenza bukula mimpe ya bungi.

Nsumuinu 30:8

Ungambuluishe bua tshishimi bantu bakuabu. Kabidi tshikadi mubanji munene, tshikadi mupele menemene. Kadi umpe amu bindi nkengela panu.

Rute 1:5

Malone ne Kiliyone kufua kabidi. Nowemi kudishadila, kayi mulume kayi bana.

Rute 1:7

Bobu kubanga luendu pamue, kadi mu njila,

Misambu 102:14

Wewe neujuke, neufuile Siyone luse, bualu diba dia kumuambuluisha ndimane kukumbana. Eyowa, diba diuvua muambe ndimane kufika.

Yowele 2:19

Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.