Rute 1:1 - MUKANDA WA MYIDI MUKULU

¹ Matuku avua balombodi balombola ditunga dia Izrayele, tshiyole tshia nzala tshivua tshibuela mu ditunga. Ke muntu wa mu musoku wa Betleyeme, mu ditunga dia Yuda, kuangata mukajende ne bana bende ba balume babidi, bua kuanjibu kuya kusomba mu ditunga dia Mowabe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu matuku a, hakadi balumbuluishi balumbuluisha bilumbu, tshiole tshiakadi mu buloba Muntu mukuabo wakumuka mu Beteleheme-yuda, wakaya bua kushikameye mu buloba bua Moaba, ne yeye ne mukashi wandi ne bana bandi ba balume babidi.

Rute 1:1 Referans Kwoze

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Genese 26:1

Tshiyole tshikuabu tshia nzala kupatuka mu ditunga, tshishilangane ne tshia kumpala tshia mu tshikondu tshia Abrahame. Izake kuya mu Ngerare kua Abimeleke, mukalenga wa bena Peleshete.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Balombodi 17:8

Kumukaye mu Betleyeme bua kuya kukeba muaba mukuabu wa kusomba bu muenyi. Pawaye mu njila, kufikaye ku nzubu kua Mika, mu buloba bua mikuna ya Efrayime.

Lewitiki 26:19

Bua kujikija ditambisha ne tshitunu tshinudi natshi, tshiena unulokeshila mvula to. Biakudia kabiena bitoloka to. Diulu nedikole bu tshiamu, buloba nebuume bu tshiamu tshikunze.

Genese 43:1

Tshiyole tshia nzala kupita bukole mu Kenaane.

Amosa 4:6

Mu bimenga bienu bionsu nuvua balale ne nzala, mu misoku yenu yonsu kamuvua tshiakudia! Uvua munutumine tshiyole atshi, ke meme! Kadi nansha nanku, kanuena bapingane kundi! Meme Maweja-Nangila ndi njadika nanku.

Misambu 105:16

Kubatuminaye tshiyole mu ditunga, biakudia kukepela.

Dielulula 28:38

Nenukune maminu a bungi mu madimi enu. Kadi nenunowe biakudia bikese, bualu nebabidie kudi mpasu.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yirmeya 14:1

Ke bivua Maweja-Nangila wambila Yirmeya bua bipupu bidi bifuma ku munanga.

Misambu 107:34

buloba bua bufuke buenza bua lusenga, pikala badi basombapu benza malu mabi.

1 Bakalenga 18:2

Muambi Eliya kuya kumonangana ne mukalenga Akabe. Mu tshimenga tshia Samariya tshiyole tshia nzala tshivua tshipite bukole.

Balombodi 12:8

Yefete mumane kufua, Ibsane, muena Betleyeme, kushala mulombodi wa bena Izrayele.

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Balombodi 17:7

Nsongalume mukuabu wa bena Levi uvua musombe bu muntu muenyi mu Betleyeme, musoku wa mu tshisamba tshia Yuda.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

1 Kulondolola 2:51

Salma uvua muase tshimenga tshia Betleyeme, ne Arefe uvua muase tshimenga tshia Bete-Ngedere.

1 Kulondolola 2:54

Ndelanganyi ya Salma idi nenku: bena mu tshimenga tshia Betleyeme, tshia Netofa, tshia Atrote-Bete-Yowabe, tshia bibidi tshia bena Manakate, bena Sora,