Rome 7:7 - MUKANDA WA MYIDI MUKULU

⁷ Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Netuambe tshinyi? Mikenshi idi bualu bubi, anyi? Nasha kakese! Kadi, tshiakadi kumanya bubi tshi mubumanye ku mikenshi; bualu bua tshiakadi kumanya disamba muoyo bu mikenshi kayi mimane kuamba ne, Kusaminyi bintu bia mukuenu muoyo;

Rome 7:7 Referans Kwoze

Rome 3:20

Kakuena muntu udi mua kubinga ku mesu kua Mvidi Mukulu, bualu muntu nansha umue kena ukumbaja bidi mikenji yamba. Mikenji idi yambuluisha amu bantu bua bamanye muyuabu benze malu mabi.

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Rome 4:15

Bualu mikenji idi ijudija Mvidi Mukulu tshiji. Kadi muaba udi kauyi mikenji, dibenga kuitaba mikenji kadienaku to.

1 Korente 15:56

Lufu ludi lupeta bukole bua kushipangana kudi bubi. Bubi budi bupeta bukole kudi mikenji.

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

Rome 13:9

Bualu mikenji ya ne: “Kuendi buendenda, kushipi muntu, kuibi, kualakanyi tshintu tshia mukuenu,” ne mikuabu yonsu idi nudisange mu mukenji umuepele udi wamba ne: “Nanga mukuenu, muudi udinanga.”

Rome 7:8

Bubi kupetela njila ku mikenji, bua kujula munda muanyi majinga a mishindu yonsu. Bualu kakuyi mikenji, bubi ntshintu tshifue.

1 Tesalonike 4:5

Kanulondi lukuka lubi lua mubidi, mudi bantu badi kabayi bamanye Mvidi Mukulu benza.

Rome 3:5

Kadi padi malu mabi atudi tuenza aleja mudi Mvidi Mukulu ubinga, tudi mua kuamba tshinyi? Nanku Mvidi Mukulu udi upila padiye utunyoka anyi? (Ndi ngakula mudi bantu bakula.)

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Efeze 5:3

Nuenu nudi bena tshisamba tshia Mvidi Mukulu. Nanku munkatshi muenu kabatedi, nansha amu kutela mene, buendenda, buenzavi, nansha lukuka lua biuma.

Rome 7:13

Kadi tshintu tshimpe tshidi mua kumpetesha lufu anyi? Nansha kakese! Amu bubi ke budi bunkebela lufu. Buvua budimuenesha mudibu bubi menemene. Buvua bubuela mu tshidi tshimpe, bua kunkebela lufu. Ke muvua bubi budileja bu bualu bubi menemene, bualu bua meyi ne mikandu.

Rome 7:11

Ke meyi ne mikandu kupetesha bubi njila, bua bubi bundenduishe, bumfikishe ku lufu ku meyi ne mikandu mene abi.

Rome 7:5

Bualu patutshivua tuenza malu adi buntu buetu bujinga, bijingajinga bia kuenza malu mabi, bidi mikenji ijula, bivua bikuata mudimu munda muetu muonsu, bitufikisha ku lufu.

Rome 6:15

Kadi bualu ebu budi bishi? Tuye kuenza malu mabi, bualu katuena kabidi ku bumfumu bua mikenji, kadi amu bua dinanga divua Mvidi Mukulu mutuleje anyi? Nansha kakese!

Rome 4:1

Nanku netuambe bishi bua nkambua wetu Abrahame? Tshivuaye mupete ku bivuaye muenze ntshinyi?

Bienzedi 20:33

Tshivua mulombe muntu nansha umue nkanu ya tshiamu tshitoke tshia mushinga mukole, nansha mpawungi, nansha bilamba.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

Mika 2:2

Padibu bajinga madimi a bende, badi baangata ku bukole. Padibu balakana nzubu ya bakuabu, badi bayinyenga bantu ku bukole. Badi biba bintu bia muntu, ne bia bena diku diabu, banyenga bantu maloba abu.

Misambu 119:96

Ndi mmona ne: tshintu tshionsu tshidi ne ndekelu, kadi diyi diebe kadiena ne nshikidilu wadi.

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

Yoshua 7:21

mu bintu bituvua bapeta mu mvita, mvua mumone tshinkutu tshimpe tshia bena Mezopotamiya, nkanu nkama ibidi ya biamu bitoke bia mushinga mukole, ne tshiamu tshia mpawungi tshikale ne bujitu bua nkanu makumi atanu. Lukuka lukole kungenza. Mvua mubiangate. Meme kubijikila mu ntenta wanyi, munudi mua kubipeta. Mvua muteke tshiamu tshitoke tshia mushinga mukole muinshi.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.