Rome 5:12 - MUKANDA WA MYIDI MUKULU

¹² Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku, bu muakulua bubi ha buloba bualu bua muntu umue, ne bu muakalua lufu bua bubi abu, nunku lufu luakafika kudi bantu bonso, bua bonso bakenza malu mabi.

Rome 5:12 Referans Kwoze

Rome 5:19

Bu muvua dibenga kutumikila dia muntu umue dipisha bantu bonsu ku mesu kua Mvidi Mukulu, ke mudi butumike bua muntu umue bubingisha kabidi bantu bonsu kumpala kuende.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Rome 3:23

Bonsu mbenze malu mabi. Bonsu mbabule butumbi bua Mvidi Mukulu.

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

Genese 2:17

Kadi kuena mua kudia bimuma bia mutshi wa kujingulula malu mempe ne malu mabi. Dituku divuadia bimuma bia mutshi awu, tshiebe ndufu.”

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

Yezekiyele 18:4

Bualu muoyi wa bantu bonsu ngwanyi meme. Muoyi wa baledi ngwanyi meme, anu bu mudi muoyi wa bana. Anu muena tshibawu wasangana kufua anyi? Wafua!

Rome 5:18

Nanku bu muvua bubi bua muntu umue ewu, Adame, bupisha bantu bonsu, ke mudi malu mimpe a muntu umue, Yezu Kristu, abingisha bantu bonsu kumpala kua Mvidi Mukulu, abapetesha muoyi.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

1 Korente 15:56

Lufu ludi lupeta bukole bua kushipangana kudi bubi. Bubi budi bupeta bukole kudi mikenji.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.