Rome 1:11 - MUKANDA WA MYIDI MUKULU

¹¹ Bualu ndi njinga bikole kunumona, bua kunutuadila mapa makuabu a Mueyelu wa Tshijila adi mua kunukolesha mu ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua udi njinga bua kunumona bua kunuhesha kuha kukuabo kua Nyuma, bua nuenu nujadikibue.

Rome 1:11 Referans Kwoze

2 Petro 1:12

Ke pandi nnuvuluija malu aa matuku onsu, nansha nuenu bamane kuamanya, bashindame mu bulelela bunudi bapete.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

2 Tesalonike 3:3

Kadi Mfumu udi muena diyi dimue. Neanupe bukole. Neanuepule kudi Muena bubi.

Rome 15:29

Ndi mumanye ne: ku difika dianyi kuenu, Kristu neanuele lupemba muende muonsu.

1 Petro 5:12

Silase, undi ntangila bu muena ditaba netu wa muoyi umue, mmungambuluishe bua kufunda mukanda mukese ewu. Ndi musue kunukolesha ku muoyi, kunujadikila kabidi ne: nenumvue mu makenga dinanga didi Mvidi Mukulu ununanga nadi. Nushindame mu dinanga diende adi.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

2 Tesalonike 2:17

bua buwuje mioyi yenu ne dikima, banupe bukole bua kuenza, ne bua kuakula bionsu bidi bimpe.

Bienzedi 19:6

Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe.

Bienzedi 16:5

Mu Bisumbu bionsu bantu bavua bakolesha ditaba diabu, bavulangana kabidi ku dituku ku dituku.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

1 Tesalonike 3:13

Mvidi Mukulu akoleshe mioyi yenu. Nanku nenuikale bantu ba tshijila, bakane tshishiki, kumpala kua Mvidi Mukulu Tatu wetu, diba diafika Mfumu wetu Yezu Kristu ne bende bonsu.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

Filipe 2:26

mMunusamine bonsu muoyi, mulubakane kabidi, bualu nuvua bumvue ne: udi usama.

Filipe 1:8

Mvidi Mukulu mmujadike bulelela bua bindi ngamba ebi se: ndi mununange bonsu ne dinanga dinene didi Yezu ununanga nadi.

2 Korente 9:14

Nebanulombele kudi Mvidi Mukulu. Nebanunange bikole, padibu bamona mudi Mvidi Mukulu mupite kunuenzela bimpe.

2 Korente 1:21

Amu Mvidi Mukulu mene ke udi utushindika pamue nenu, bua tudisange ne Kristu. Ke mudiye utuenza bantu ba tshijila,

Rome 15:32

Ke mundi mua kufika kuenu ne disanka divule, pikala Mvidi Mukulu musue. Nenganji kuikisha kuenu aku, muaba unudi.

Rome 15:23

Kadi mpindiewu ndi mujikije mudimu wanyi mu matunga aa. Kukadi bidimu bivule bindi njinga kumonangana nenu.

Bienzedi 19:21

Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

2 Samuele 13:39

Kanyinganyinga kavua mukalenga Davide naku, bua lufu lua Amnone kamane kujika, tshiji tshivuaye mutekele Absalome kujika patshi.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

2 Samuele 23:15

Ke Davide kumvuaye nyota, kulomba ne: — Udi mua kumpesha mayi a kunua adi mu tshiina tshia mayi tshidi ku tshiibi tshia mu Betleyeme nnganyi?

Genese 31:30

Nanku uvua musue kupingana kuenu bua kumonangana ne baledi bebe. Mbimpe! Kadi udi muibe mpingu ya mvidie indi ntendelela bua tshinyi?

Rome 1:12

Ndi ngamba ne: ndi njinga kuikala munkatshi muenu, bua tukoleshangane ku muoyi mu ditaba, meme nkolesha ditaba dienu, nuenu nukolesha dianyi.

2 Korente 1:15

Bu mundi ntekemena nanku, mvua musue kunukumbula, bua Mvidi Mukulu anuele lupemba misangu ibidi.