Osheya 9:4 - MUKANDA WA MYIDI MUKULU

⁴ Bena Efrayime kabena mua kulambula kabidi mulambu wa maluvu, mu dina dia Maweja-Nangila. Kabena mua kumulambula milambu bua kumusankisha. Biakudia bia bena Efrayime, nebikale anu bu mampa adibu badia mu madilu. Muntu yonsu udi ubidia udi upia mikiya. Mampa a bena Efrayime, neajikije anu nzala yabu. Kadi, kabena mua kubuela nawu mu nzubu wa Maweja-Nangila to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kabena bahongoluela Yehowa milambu ya nvinyo, ne milambu yabo ne nyama mimushihula kayena imusankisha kabidi. Bia kudia biabo nebikale bu bia kudia bia bena madilu, bualu bua bonso badi babidia nebabihe. Bualu bua bia kudia biabo bidi biabo nkayabo; kabiena mua kubuela mu nsubu wa Yehowa.

Osheya 9:4 Referans Kwoze

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Dielulula 26:14

Pamvua mu madilu, tshiena mudie tshia dikumi atshi. Pamvua ne mikiya, tshiena mutshilenge, nansha mutshilambule bua muntu mufue. Maweja-Nangila Mvidi Mukulu wanyi, ndi muteleje mikenji yebe, muyikumbaje yonsu.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Yezekiyele 24:17

Udidile anu munda munda. Kadi kutekeshi madilu to. Vuala tshitambala tshiebe ku mutu, ne bisabata biebe bu matuku makuabu. Kusokoki mpala, kudi biakudia bidi bena mutumba bakutuadila bua madilu.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Malaki 2:13

Bualu buibidi bunudi nuenza mbobu ebu: nudi nubolesha tshilambuilu tshia Maweja-Nangila ne binsonji; nudi nudila, nutua mikemu, bualu Maweja-Nangila katshiena utangila milambu yenu, katshiena wanyisha binudi numulambula.

Amosa 5:22

nansha nundambula milambu ya kuosha. Milambu ya bia pa madimi enu idi imfikila ku muoyi. Tshiena nansha ntangila nyama, inudi nundambula bu milambu ya bobumue.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yezekiyele 24:22

Diba adi nenuenze bu muvua Yezekiyele muenze. Kanuakusokoka mpala, kanuakudia biakudia bidi bena mutumba bafike nabi mu madilu.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Yeshaya 57:6

Mabue a busenu a mu musulu, ke tshiuma tshienu tshinudi nutendelela. Anu mabue awu ke anudi nulambula, nunuisha maluvu, ke anudi nulambula bia pa madimi. Ndi nnuebeja ne: bionsu ebi bidi mua kunsankisha anyi?

Dibadika 28:2

bua kumanyisha bena Izrayele ne: “Nulambule Maweja-Nangila milambu yenu pa diba, milambu ya kuosha bua dipembu diayi dimusankishe.

Lewitiki 21:21

Nenku muntu nansha umue wa ku ndelanganyi yebe udi ne bulema pambidi, kena ne bua kusemena ku tshilambuilu, kundambula milambu to. Bualu udi ne bulema, kena mua kuenza midimu ya tshibidilu ya batuangaji to.

Lewitiki 21:17

— Manyisha Arone mikenji idi ilonda eyi ne: “Mu ndelanganyi yenu idi ilonda, muntu ne bulema pambidi, kanuena mua kumuanyisha bua asemene ku tshilambuilu, andambule milambu yanyi to.

Lewitiki 21:8

Nuenu bena Izrayele, numanye ne: batuangaji mbantu ba tshijila. Nubanemeke, bualu bobu ke badi bafikisha milambu yenu kundi meme, Mvidi Mukulu wenu. Muntu kena mua kunyanga tshijila tshiabu to. Bualu meme ndi Maweja-Nangila wa tshijila. Mvua musungule bena Izrayele bua bikale bantu ba tshijila.

Lewitiki 21:6

Batuangaji badi ne bua kungenzela mudimu. Kabena ne bua kufuisha dina dianyi bundu. Badi ne bua kundambula meme Maweja-Nangila Mvidi Mukulu wabu milambu. Ke mundi musue ne: bikale bantu ba tshijila matuku onsu.

Lewitiki 17:11

Bualu muoyi wa tshintu udi mu mashi. Maweja-Nangila uvua munuambile bua kulambula mashi pa tshilambuilu bua amone mua kunufuila luse. Nanku mashi adi ambuluisha bua kujimija bubi, bualu adi apetesha muoyi.

Ekesode 40:23

Moshe kuteka mampa a kulambula pa mesa apu, bu muvua Maweja-Nangila mumuambile.

Dibadika 19:11

“Padi muntu mulenge tshitalu, udi ushala ne mikiya lumingu lujima.

Dibadika 4:7

Nebadije tshilamba tshikuabu tshifikuluke tshienza ne miosa ya nyama pa mesa a mampa a tshijila. Nebatekepu malongu masalama, makopu, malongu mondoke ne tukopu tua kulambuila maluvu. Nebatekepu kabidi mampa a tshijila anudi ne bua kundambuilapu kashidi.

Ekesode 29:40

Kadi, muana wa mukoku uudi udianjila kulambula dinda, ulambule pamue ne bintu ebi: kilo isatu ya bukula busambakaja ne litre umue ne tshitupa wa mafuta a olive, welemu kabidi maluvu a mvinyo litre umue ne tshitupa.

Yirmeya 16:7

Muntu nansha umue kakufila biakudia mu nzubu wa madilu, nansha maluvu, bua kusamba badi mu madilu, nansha bobu badila tatu anyi mamu.

Danyele 1:8

Bu muvua Daniyele ubenga kupia mikiya, kudikandikaye bua kudia ne bua kunua bivua mukalenga udia ne unua. Nanku Daniyele kuambila mulombodi wa bena mudimu bua kamupeshi biakudia bidi ne mikiya nansha.

Yowele 1:9

Batuangaji badi benzela Maweja-Nangila mudimu, badi badila, bualu bantu kabatshiena bafika mu nzubu wa Mvidi Mukulu, ne milambu ya ntete, nansha ya maluvu.

Osheya 7:16

Pikala bena Efrayime bapingana kudi muntu, kabena bapingana kundi meme Maweja-Nangila to. mBafuanangane ne buta bua mbale, budi kabuyi bukumbane bua kuela nabu mikete. Bamfumu babu nebafue mu myita, bualu bavua bampende! Nebabaseke kudi bena Ejipitu!