Osheya 9:14 - MUKANDA WA MYIDI MUKULU

¹⁴ — Maweja-Nangila paudi musue kunyoka bena Efrayime, neubanyoke mushindu kaayi? Bakaji babu bikale ba nkumba, kabayi mua kuamusha bana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa, ubahe; neubahe tshinyi? Ubahe difu didi dituka ditshikale ditekete, ne biadi biume.

Osheya 9:14 Referans Kwoze

Luke 23:29

Bualu matuku neafike, bantu nebambe ne: “Diakalenga ndia bankumba, ndia badi kabayi balela, kabayi banji kuamusha bana.”

1 Korente 7:26

Bu mutudi tshikondu tshia dikenga, ndi ngela meji ne: mbimpe muntu yonsu ashale muende mudiye.

Luke 21:23

Matuku awu, bakaji badi kulu kule, nansha badi bamusha bana, nebakenge bikole. Dikenga dinene nedikuate bena ditunga edi, bualu Mvidi Mukulu neabanyoke ne tshiji.

Marke 13:17

Bakaji badi ne mafu ne badi bamusha bana mabele nebikale ne diakabi dipite mu matuku awu!

Matayi 24:19

Matuku awu, nangananga bamamu badi ne mafu, ne badi bamusha bana, nebakenge!

Osheya 9:16

Bena Efrayime mbamane kupeta dikenga. Badi bu miji idi yuma, bu mutshi udi kauyi ukuama bimuma. Nansha bakaji babu balela bana, nengumushe bana abu, badibu bananga, mu buloba.

Osheya 9:13

Bena Efrayime bavua bu mitshi ya mabue, mikuna mu buloba buimpe. Kadi lelu bakadi bafila bana bavuabu balela, kudi bashipianganyi.

Osheya 9:11

Lumu lua bena Efrayime nelujimine, bu mudi nyunyi ya mishamisha ibuka, ijimina. Kabena mua kulela bana, kabena mua kuenda ne difu munda, kabena nansha mua kuimita.

Yobe 21:10

Misangu yonsu idi mulume wa ngombe wimitshisha mukaji difu, awu udi ulela kana ka ngombe kayi mua kutula difu.

Ekesode 23:26

Mu ditunga dienu kamuakuikala bakaji batula mafu. Meme Maweja-Nangila nennushiye ne muoyi pa buloba matuku a bungi.

Dielulula 28:18

Maweja-Nangila kakunupa bana ba bungi. Kanuakuikala ne biakudia bia bungi. Ngombe yenu, mikoku ne mbuji kabiakuvulangana to.