Osheya 7:8 - MUKANDA WA MYIDI MUKULU

⁸ Maweja-Nangila udi wamba ne: Bena Efrayime badi babuelakana mu malu a bisamba bikuabu. mBafuanangane ne tukata tukese mpepele, tudibu boshila anu luseke lumue.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bena Efelayima badi babuelakana ne malu a bisamba bia bantu; Bena Efelayima badi bu mukata udibo kabayi banji kuandamuna.

Osheya 7:8 Referans Kwoze

Misambu 106:35

Kadi kubuelakanabu ne bantu ba bisamba bia benyi, kulongabu mua kuenza malu avuabu benza.

Ezela 9:12

Nanku, nsongakaji yenu, kabena mua kuyisela kudi nsongalume ya banb benyi abu to. Kabidi kanuena mua kubangila bana babu ba bakaji bua kubaselabu kudi bana benu ba balume to. Kanuena mua kuvudija diakalenga ne biuma bia bantu benyi aba to. Nanku nenuikale bantu ba bukole. Nenusanke ne bintu bimpe bia mu ditunga amu. Nenubishile ndelanganyi yenu kashidi!’

Malaki 2:11

Bena Yuda mbupule ndondu uvuabu batue. Mbenzele malu mabi mu Yerushalayime, ne mu ditunga dijima dia Izrayele. Bualu mbapetule muaba wa tshijila, udi Maweja-Nangila munange. Mbasele bakaji badi batendelela nwidie ya bisamba bikuabu.

Ezela 9:1

Malu awu mamane kupita, bamfumu bakuabu ba bena Izrayele kufika, bangambila ne: — Nansha bantu ba patupu, nansha batuangaji ne bena Levi, kabena bashiyangane ne bena ditunga to. Badi batendelela mvidie ya tshianana, badi balonda bibidilu bibi bia bena Kenaane, bena Iti, bena Perizi, bena Yebusa, bena Amone, bena Mowabe, bena Ejipitu ne bena Amore.

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.

Osheya 5:7

mBabenge Maweja-Nangila, mbalele bana ba mu tshiendenda. Mpindiewu, kakuakukumbana nansha ngondu umue to: nembabutule, ne bionsu bidibu nabi.

Osheya 7:9

Bantu benyi mbamane kubanyenga bukole. Kadi bena Efrayime kabena bamanya nanku to. Bena Efrayime bakadi ne nsuki mitoke, kabayi bamona bu bualu.