Osheya 2:8 - MUKANDA WA MYIDI MUKULU

⁸ Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Osheya 2:8 Referans Kwoze

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Osheya 13:2

Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

Osheya 8:4

Bena Izrayele badi badilekela bamfumu, meme tshiyi muanyishe. Badi badisunguila babalombodi, meme tshiyi mumanye. Badi bangata tshiamu tshitoke tshia mushinga mukole ne tshia mpawungi, bua kudienzela mpingu. Badi benza nanku, badi bajimija bintu biabu.

Osheya 4:11

Bundumba ne dikuatshika dia maluvu bidi binyanga lungenyi lua muntu.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Luke 15:13

Munkatshi mua matuku makese muana muakunyi kupana bintu biende bionsu, kuya ne makuta ku ditunga dia kule. Kuine aku uvua wenza buenzayi, utulakaja biuma biende.

Abakuke 1:16

Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Yirmeya 7:18

Bana badi bangula nkunyi, batatu batemesha kapia, bakaji balamba mikata bua mvidie udibu binyika ne: mukalenga mukaji wa mu diulu. Padibu balambula milambu ya maluvu a mvinyo kudi mvidie ya bantu ba bisamba bikuabu, badi bampenda meme Maweja-Nangila.

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Dielulula 8:18

Numanye ne: Maweja-Nangila Mvidi Mukulu wenu ke udi unuambuluisha, bua nupete diakalenga. Udi wenza nanku, bualu too ne lelu utshidi ulama ndondu wende, uvua-ye mutue ne bankambua benu.

Yezekiyele 23:41

Pashishe kusombabu mu nkuasa ya tshisaka mimpe minene, bateka mesa kumpala kuabu. Pa mesa apu pavua musenga wa kamonya, ne mafuta masambakaja ne manananshi, bivuabu bapete kundi.

Danyele 3:1

Mukalenga Nebukadnesare kuenzeja lupingu lua tshiamu tshia mpawungi, lua metre makumi asatu mu bule, ne metre asatu mu butshiama. Kuluimanyikaye mu mpata wa Dura, mu buloba bua Babilone.

Osheya 13:1

Pavua bena Efrayime bakula, bantu bonsu bavua batshina. Bobu ke bavua bamfumu, mu bukalenga bua bena Izrayele. Kadi, bavua benza bibi, batendelela mvidie Baale. Ke tshivua tshibafikisha ku lufu.

1 Kulondolola 29:16

Maweja-Nangila Mvidi Mukulu wetu, tudi bakungule bintu bivule bua kukuibakila nzubu utudi mua kuvua kukutendelela, wewe Mvidi Mukulu wa tshijila. Kadi bionsu ebi, ndi mumanye ne: mbifume kuudi. Bionsu ebi mbintu biebe wewe.

Yobe 19:8

Mvidi Mukulu mmujike njila bua tshipitshi. Mmuntumine miidima bua nkebe njila wanyi mpange.