Osheya 14:9 - MUKANDA WA MYIDI MUKULU

⁹ Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Osheya 14:9 Referans Kwoze

Nsumuinu 10:29

Maweja-Nangila udi tshieyemenu tshia bantu bakane, kadi udi ubutula badi benza bibi.

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Yowanane 8:47

Muntu wa Mvidi Mukulu udi uteleja miaku ya Mvidi Mukulu. Kadi nuenu kanuena ba Mvidi Mukulu to. Ke panudi kanuyi nunteleja.

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Sefanya 3:5

Kadi Maweja-Nangila udi amu mu tshimenga etshi, bua kukosa nsambu pa yoyi, kumushamu malu mabi. Dinda dionsu udi ulumbuluisha bantu. Kadi nansha nanku, bantu babi badi amu benza malu mabi, kabayi ne bundu!

Yirmeya 9:12

Maweja-Nangila nkayende kuandamuna ne: “Bualu bantu mbabenge mikenji imvua mubapeshe. Kabena bateleja nansha bakumbaja bimvua mubambile to.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yeshaya 26:7

Maweja-Nangila, wewe udi uleja bantu badi bakuitaba, njila mululame wa kulondabu. Njila uudi wewe uleja bantu, udi ubafikisha buludi muaba mene udibu bakeba.

Misambu 119:128

Mikenji yebe yonsu ndi nyimona miakane, ndi mubenge malu onsu a dishima.

Misambu 119:75

Maweja-Nangila, ndi mumanye ne: mapangadika ebe adi makane, avua mamfuishe bundu pa bualu.

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Rome 7:12

Nenku mikenji idi ya tshijila. Meyi ne mikandu bidi bia tshijila. Bidi bimpe, bitufundila bidi Mvidi Mukulu musue.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Yowanane 9:39

Ke Yezu kuamba ne: — Ndi mulue pa buloba ebu bua balumbuluishe bantu: bua bampofu bamone, kabidi bua badi bamona bashale bampofu.

Luke 7:23

Muena diakalenga ngudi ungitaba, kayi unwila.

Luke 2:34

Shimeyone kubela lupemba, kuambila Mariya, mamuende wa Yezu ne: — Mvidi Mukulu udi musungule muana ewu bua kushindisha ne kujula bantu ba bungi mu Izrayele. Yeye neatumanyishe mudi Mvidi Mukulu. Kadi bantu nebamujudile milandu.

Matayi 11:19

Kadi Muana wa muntu kufika, muikale udia, unua. Ke kumuambabu ne: “Ewu mmudiavi, munu wa maluvu, mulunda wa balambuishi ba bitadi, ne wa bena buenzayi!” Kadi midimu idi Mvidi Mukulu wenza, idi ileja meji mimpe adiye nawu.

Yezekiyele 18:25

Nudi nuamba ne: ‘Bidi Maweja-Nangila wenza kabiena bimpe to. Udi ukolesha malu!’ Nuenu bena Izrayele, telejayi bimpe, udi ukolesha malu mmeme anyi? Nansha kakese! Badi bakolesha malu bapitshisha, ke nuenu!

Yeshaya 1:28

Padibu batombokela Maweja-Nangila, bamubenga, benzelangana bibi, nebabutuke.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Misambu 84:7

Padibu bapitshila mu tshibandabanda tshiume, Mvidi Mukulu udi utshikudimuna, utshienza muaba mutalale wa mayi, nansha mvula mbedi udi utshibuikila ne majiba.

Misambu 84:5

Diakalenga ndia badi basomba mu nzubu muebe, bakutumbisha amu kukutumbisha diba dionsu.

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Bienzedi 13:10

wamba ne: — Wewe udi muntu mubi, muena dishima, muana wa diabolu, mubengi wa malu mimpe onsu. Neulekele kujikila Mvidi Mukulu njila diba kaayi?

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Yeshaya 17:8

Kabena baya kabidi ku bilambuilu bivuabu badienzele, nansha ku mvidie ivuabu basonge ne bianza biabu, nansha ku makunji a bijila, nansha ku bioshelu bia manananshi.

Yirmeya 29:12

Diba adi, nuenu bambikile, bantendelele, meme Maweja-Nangila nennuteleje.

Yezekiyele 11:18

Panudi nufika mu ditunga amu, nennukandike bibidilu bibi bindi mbenga bia kutendelela mvidie.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Zekâya 10:6

Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.