Osheya 13:5 - MUKANDA WA MYIDI MUKULU

⁵ Meme ke uvua munulame, panuvua mu tshipela, mu ditunga divua ne munanga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakanumanya mu tshihela tshia lusenga, mu buloba bua munanga mukole.

Osheya 13:5 Referans Kwoze

Dielulula 32:10

Maweja-Nangila kusangana bena Izrayele mu tshipela, munkatshi mua miadi ya mibuabua. Kubakubaye, kubalongeshaye, kubalamaye bu mudi muntu ulama disu.

Dielulula 8:15

Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Ngalate 4:9

Kadi mpindiewu nudi bamanye Mvidi Mukulu. Tuambe ne: Mvidi Mukulu mmunumanye! Kadi mmunyi munudi basue kupingana ku bintu ebi bidi kabiyi ne bukole, kabiyi mushinga, kudienza bapika babi?

Nahume 1:7

Maweja-Nangila udi ne muoyi muimpe. Badi mu dikenga, badi mua kusokomena kudiye. Badi banyemena kudiye, udi ubalama bimpe,

Misambu 142:3

Ndi mmukuatshila tshilumbu, mmuleja dikenga dianyi.

Misambu 63:1

Musambu wa mu mukanda wa misambu ya Davide. Mmuusake pavuaye musokome mu tshipela tshia Yuda.

Ekesode 2:25

Kumonaye bena Izrayele, kujadikaye dikenga divuabu nadi.

1 Korente 8:3

Amu muntu udi unanga Mvidi Mukulu, ke udi Mvidi Mukulu mumanye.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 2:2

— Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.

Misambu 31:7

Ndi mbenga badi batendelela mvidie ya dishima, ndi nkutekemena amu wewe, Maweja-Nangila.

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Genese 31:40

Mvua nkenga bikole, munya ungosha matuku onsu. Butuku mashika avua ambuela ku muoyi, tshitabela tshingenza.

Osheya 5:3

Ndi mumanye bena Efrayime. Ndi mumanye bionsu bidi bena Izrayele benza. Nuenu bena Izrayele ke badi baleja bena Efrayime mua kuenda tshiendenda. Mpindiewu, bena Izrayele bonsu badi anu bena tshiendenda.”

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.