Osheya 12:11 - MUKANDA WA MYIDI MUKULU

¹¹ Tshikondu atshi, mvua mumanyishe bambi meji anyi. Mvua mubaleje malu mishindu mishilangane. Kudi bambi ke kundi nnumanyishila, nansha lelu mene, bindi musue kuenza.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bikala Gilada tshintu tshia hatuhu, badi bashikamemu badi bantu ba hatuhu; mu Gilegala badi bafila balume ba ngombe bu milambu kudi mpingu, e, bioshelu biabo bidi bu mishiki ya mabue mu mabula a mu budimi.

Osheya 12:11 Referans Kwoze

Osheya 8:11

Bena Efrayime bavua bavudije bilambuilu, kadi biobi abi bidi bibafikisha ku buenzayi bupite bungi. — Kia! Bilambuilu bidi bifikisha ku bubi! Ke bualu budi muntu mua kumvua anyi? —

Osheya 6:8

Ngilaade ntshimenga tshia benzedianganyi ba bibi, badi bela mashi a bantu panshi.

Osheya 4:15

Nansha bena Izrayele bena tshiendenda, kadi nuenu bena Yuda, kanuikadi bena tshiendenda to! Kanuyi muaba wa tshijila udi mu Ngilgale. Kanuyi ku Betele-Awene, bua kuditshipa ne: “Bu mudi Maweja-Nangila ne muoyi.”

Osheya 9:15

— Maweja-Nangila kuamba kabidi ne: Tshikisu tshia bena Efrayime, tshivua tshimane kumueneka ku Ngilgale. Ke mumvua mutuadijile kubabenga. Nembipate ku nzubu kuanyi, bua buenzayi buabu. Tshiena mbananga kabidi to. Bualu bamfumu babu bonsu badi anu bantombokela.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Yona 2:8

Nansha pamvua nkeba kufua, mvua amu nkuvuluka, Maweja-Nangila wanyi. Mitendelelu yanyi mmifike kuudi, ku nzubu webe wa tshijila.

Amosa 5:5

Kadi kanunkonki malu mu nzubu wa kutendelela wa Betele. Kanubuedi muaba wa kutendelela wa mu Ngilgale, kanuendi luendu lua tshijila, batangile ku Bersheba nansha. Bualu bena Ngilgale, nebaye nabu mu bupika; Betele, nzubu wa Maweja-Nangila, neashale nzubu wa makenga.”

Amosa 4:4

Bena Izrayele, nudi nubuela mu nzubu wa kutendelela wa Betele, kadi nudi amu nuntombokela. Nudi nuya kutendelela ku Ngilgale, nuenza anu kuenza malu mabi. Nudi nufika, patshiatshia dinda, nulambula milambu yenu, dituku dibidi nufila tshia dikumi tshia bia pa madimi enu.

Yirmeya 10:15

Mpingu ayi idi bu lupepele. Bantu mbenze mudimu wa tshidimudimu patupu. Yonsu neyijimine, padi Maweja-Nangila ulumbuluisha bantu.

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Osheya 10:2

Bena Izrayele mbanyanguke too ne mu muoyi wa munda. Mpindiewu nebakenge bua buenzayi buabu. Maweja-Nangila neanyangakaje bilambuilu biabu, neashimbule mabue a tshijila.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

Yezekiyele 17:2

— Muntu, wikala welele bena Izrayele mianu pa kubalondela bualu.