Osheya 12:10 - MUKANDA WA MYIDI MUKULU

¹⁰ Meme Maweja-Nangila, ndi Mvidi Mukulu wenu, biangatshile mu Ejipitu. Ndi musue nusombe tshiakabidi mu ntenta, bu tshikondu tshimvua basambakene nenu mu tshipela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nakambila baprofete mei, nakabalesha bikena kumona bivule, ne mu mei anakateka mukana mua baprofete nakela nsumuinu.

Osheya 12:10 Referans Kwoze

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

Yirmeya 19:1

Maweja-Nangila kuambila Yirmeya ne: — Uye kudi mufumbi, usumbe mulondu wa diima. Pashishe wangata batuangaji, bamue bakulu, ne bantu bakuabu, uye nabu.

Yirmeya 7:25

Biangatshile difuku divua bankambua benu bapatuke mu Ejipitu too ne mpindiewu, meme Maweja-Nangila ndi amu nnutumina bambi bena mudimu banyi ku dituku ku difuku.

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

2 Korente 12:1

Nansha kabiyi bimpe, ndi amu ne bua kuditemba. Bualu nudi numbambidika bua ngenze nanku. Nengakule mpindiewu bua malu avua Mfumu mundeje, munsokoluele.

Bienzedi 2:17

“Mvidi Mukulu udi wamba ne: matuku a nshikidilu, nentumine muntu yonsu Mueyelu wanyi. Bana benu ba balume ne ba bakaji nebambe malu anyi. Nendeje bansonga benu malu. Banunu benu nebalote ndota.

Amosa 7:14

Ke Amosa kuandamuna Amashiya ne: — Tshiena muambi udibu bafuta nansha. Tshiena muntu uvua mu tshisumbu tshia bambi. Nyama indi mumune, ne bimuma bia mfiku bindi mpeta ku mitshi yanyi, ke bivua bindisha!

Osheya 3:1

Maweja-Nangila kungambila ne: “Mpindiewu, uye kunanga kabidi mukaji awu muena tshiendenda, udi mukutombokele, wenda ne balume bakuabu. Unange mukaji awu, anu bu mundi meme Maweja-Nangila munange bena Izrayele, nansha bobu batendelela mvidie mikuabu, bananga mikata mienza ne tumuma tua mvinyo.”

Yirmeya 25:4

Maweja-Nangila uvua unutumina amu kunutumina bambi bena mudimu bende, kadi kanuena babateleje nansha. Kanuvua bateya matshi bua kumvua tshivuabu bamba.

Yirmeya 19:10

Pashishe, neushipe mulondu, bonsu baudi nabu batangile.

Nehemya 9:30

Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 13:1

Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Yezekiyele 17:2

— Muntu, wikala welele bena Izrayele mianu pa kubalondela bualu.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Lewitiki 23:42

Nuenu bena Izrayele bonsu, lumingu alu lujima, nuikale anu basomba mu tuzubu tua bisasa,

Osheya 13:4

Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.