Osheya 10:6 - MUKANDA WA MYIDI MUKULU

⁶ Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nebaye nʼandi kabidi ku Ashû, bua kumufila bu mulambu kudi Mukelenge Yaleba. Bena Efelayima nebakuatshike bundu, ne Bena Isalele nebakuatshike bundu bua meji akadibo balesha bakuabo.

Osheya 10:6 Referans Kwoze

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.

Yeshaya 30:3

Kadi mukalenga wa bena Ejipitu, kena mua kunuambuluisha to. Tshisokomenu tshinudi nukeba mu Ejipitu, netshinufuishe bundu,

Danyele 11:8

Neapingane mu Ejipitu ne bintu biapawulaye: mpingu ya mvidie ya bena ditunga, kabidi ne malonga a mushinga mukole a tshiamu tshia mpawungi ne a tshiamu tshitoke tshia mushinga mukole, avuabu bajidile mvidie ayi. Papita bidimu bia bungi kabayi baluangana mvita,

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Osheya 8:6

Mvidie ewu mmukebe tshinyi mu bena Izrayele. Nsenda wenu ke udi mumufule. Eyowa, mvidie wa kana ka ngombe wa bena Samariya neatayike, bualu kena Mvidi Mukulu.

Osheya 4:19

Lupepele lua mvunde nelubambule. Nebikale ne bundu bua milambu yabu mibi.

Osheya 4:7

Batuangaji bonsu mbangenzele bibi, kabena batumikila mikenji imvua mubambile. Mbambenge meme Maweja-Nangila, uvua butumbi buabu, bua kutendelela mvidie ya patupu.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Yirmeya 48:13

Nebafuishe Mowabe bundu kudi mvidie wende Kemoshe, muvuabu bafuishe bena bukalenga bua bena Izrayele bundu kudi mvidie wabu wa ku Betele uvuabu batekemena bikole.

Yeshaya 45:16

Kadi mona benji ba mpingu: nebafue bundu, nebende bonsu biname mpala panshi, bu bantu bavuabu badinga.

Yeshaya 1:29

Eyowa, nenuikale ne bundu, bualu nuvua basue kusangila muinshi mua mitshi, bua kutendelela mvidie. Nenufue bundu, bualu nuvua basungule mpangu eyi, bua kuenzelamu malu enu mabi.

Yobe 18:7

Uvua wenda buludi mu njila. Mpindiewu ukadi utetuka. Malu avuaye muele meji bua kuenza, ke adi amupambula.

2 Bakalenga 17:3

Shalmanazere, mukalenga wa bena Ashure, kufika bua kumuluisha. Osheya kudifila kudiye, kumulambula milambu ya ku tshidimu ku tshidimu.

Yezekiyele 16:28

Kadi lukuka luebe kalutua lujika to. Wewe kuenda tshiendenda ne bena Ashure. Kadi nansha bobu kabavua mua kukusankisha to.