Osheya 1:4 - MUKANDA WA MYIDI MUKULU

⁴ Maweja-Nangila kuambila Osheya ne: “Muana awu, umuinyike ne: Yizreyele. Matuku makese aa, nennyoke ndelanganyi ya Yeku, bualu nkambua wabu Yeku, uvua mushipe bantu mu tshimenga tshia Yizreyele. Nenshipe bukalenga bua Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wakamuambila ne, Umuidike dina ne, Yizelele; bualu bua hahita musangu muihi, nensombuele mashi a Yizelele akadibo bamatshisha hanshi kudi ba mu tshiota tshia Yehu, nengumushe bukelenge kudi Bena Isalele.

Osheya 1:4 Referans Kwoze

Osheya 1:9

Maweja-Nangila kuambila Osheya ne: “Muana awu, umuinyike ne: Lowami, mmumue ne: Muenyi. Bualu nuenu bena Izrayele, kanuena kabidi bantu banyi. Meme tshiena kabidi wenu to.”

Osheya 1:6

Ngomere kuimita kabidi difu, kulela muana wa bakaji. Maweja-Nangila kuambila Osheya ne: “Muana awu, umuinyike ne: Lorushama, mmumue ne: Tshibengabu. Bualu meme Maweja-Nangila tshiena munange kabidi bena Izrayele to. Tshiena musue kubafuila kabidi luse to.

Yezekiyele 23:31

Uvua mulonde tshilejilu tshia yayebe. Nanku nenkunuishe dikopu dia tshiji tshianyi, bu mumvua mudinuishe yayebe.

Yezekiyele 23:10

Kumuvulabu bilamba bionsu, kumushiya butaka, kumutapabu muele, kumushipa. Bakatua bamane kukuata bana bende ba balume ne ba bakaji bua kuya nabu. Ke mmuabu bamunyoke nanku bua bakaji bakuabu bamone bionsu abi, badimuke.

Yirmeya 23:2

Bua balami ba mikoku aba, Maweja-Nangila wa Izrayele udi wamba ne: “Nuvua banyishe bua mikoku yanyi ipambuke, itangalake. Kanuvua nayi ne bualu to. Eyowa, meme ndi musue kununyoka, bualu bulami buenu bua mikoku yanyi mbubi. Meme Maweja-Nangila ndi njadika nanku!

Yirmeya 3:8

Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 10:17

Anu Yehu ufika mu Samariya, kushipa bena nzubu wa Akabe bonsu bavua bashale ne muoyi, kubutula nzubu ewu mujima, bu muvua Maweja-Nangila muambile muambi Eliya.

Yowanane 1:42

Kuyaye ne Simone kudi Yezu. Yezu kutangila Simone, umuamba ne: — Wewe udi Simone, muana wa Yowanane. Nebakuinyike ne: Kefase. (Mmomumue ne: “Dibue”).

Luke 1:63

Zekarya kulomba kabaya, kufunda ne: “Dina diende nYowanane.” Bonsu kukema bikole.

Luke 1:31

Newimite difu, ulele muana wa balume, umuinyike Yezu.

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Osheya 9:17

— Mvidi Mukulu wanyi, kena munange kabidi bena Efrayime to, bualu kabena bamuteleja. Nebikale balalakanyi munkatshi mua bisamba bikuabu.

Osheya 2:22

Eyowa, nenkumbaje bionsu bindi mukulaye. Nanku neundamate, neujadike ne: meme ndi Maweja-Nangila.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

2 Bakalenga 15:8

Azariya mumane kulala mu bukalenga bua bena Yuda bidimu makumi asatu ne muanda mukulu, Zekarya, muana wa Yerobowame, kudia bukalenga bua Izrayele mu Samariya, kushala mu bukalenga ngondu isambombu.

Yirmeya 20:3

Butshia, Pashekure kumusha Yirmeya ku tshikunyi. Yirmeya kumuambila ne: — Maweja-Nangila kena ukubikila kabidi ne Pashekure, kadi neakubikile ne: “Luzakalu miaba yonsu.”

Yoshua 19:18

Mu buloba abu muvua bimenga ebi: Yizreyele, Keshulote, Shuneme,

2 Bakalenga 10:1

Ndelanganyi ya Akabe makumi muanda mutekete, ivua isomba mu Samariya. Yehu kutumina balombodi ba bena mvita ba mu tshimenga atshi, bakulu batshi, ne bantu bavua balongesha ndelanganyi ya Akabe mikanda, ubafundila ne:

Yeshaya 8:3

Pashishe meme kubuelela muena kuanyi mu nzubu. Yeye kabidi uvua muambi wa Mvidi Mukulu mumue nanyi. Kuimitaye difu, kulelaye muana wa balume. Nenku Maweja-Nangila kungambila ne: — Umuinyike dina diende ne: Pawulayi lubilu, Ibayi lukasa.

Amosa 9:8

Maweja-Nangila Mvidi Mukulu udi utentekela ditunga dia Izrayele, didibu baludika kudi bakalenga bena tshibawu. Udi wamba ne: “Nengumushe bukalenga ebu pa buloba. Kadi tshiena musue kubutula ndelanganyi yonsu ya Yakobe nansha.