Obadya 1:15 - MUKANDA WA MYIDI MUKULU

¹⁵ Bualu dituku, dindi meme Maweja-Nangila ndumbuluisha bantu bonsu, dikadi pa buipi. Nanku nebanuenzele bionsu binuvua benzele bantu bakuabu. Bubi buenu nebunupinganyine.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bualu bua dituku dia Yehowa didi ha buihi dilongoluela bisamba bionso bia bantu, bu muwakenza biebe, mbu mudibo bakuenzela, bienzedi biebe nebikuhingane.

Obadya 1:15 Referans Kwoze

Abakuke 2:8

Nuvua bibe bintu mu matunga mavule. Nanku bisamba bikuabu bionsu bia pa buloba nebibe bienu. Nebanunyoke, bualu nuvua bele mashi a bantu panshi, nuvua banyangakaje bimenga ne matunga.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Yezekiyele 30:3

Nedikale dituku didi ne mavuba adi akuatshisha bowa. Nedikale dituku dia kulumbuluisha bisamba.

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Yezekiyele 35:15

Nuvua nusanka panuvua numona muvuabu bakengesha bena Izrayele bantu banyi. Nanku nennuenzele penu mushindu awu. Nebanyange mikuna yenu ne ditunga dienu dijima. Nanku, bantu bonsu nebamanye ne: meme ndi Maweja-Nangila.”

Yirmeya 49:12

Maweja-Nangila udi wamba ne: “Nuteleje bimpe, bantu bamvua tshiyi musue kunuishila mu dikopu, bavua bumvue makenga makole amvua mubatumine bua tshiji. Kadi wewe Edome udi wela meji ne: kuena muena tshibawu anyi? Udi amu muena tshibawu. Nanku makenga andi ntuma bua tshiji neakukuate!

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.

Yobe 24:1

Mvidi Mukulu wa bukole buonsu, kena mutufundile matuku adiye ulumbuluisha bantu bua tshinyi? Diba adi, bantu badi bamulamate, badi mua kumona mudiye ukosa nsambu amu pa yoyi.

Yirmeya 51:56

Badi basemena pabuipi ne Babilone bua kumukuata. Badi bakuata bilobu, batshibula mata abu. Bualu Maweja-Nangila udi Mvidi Mukulu udi mumanye mua kusombola. Udi upingajila muntu yonsu bivuaye muenze.

Yezekiyele 35:11

Kadi meme Maweja-Nangila Mvidi Mukulu udi ne muoyi, nennunyoke, bilondeshile tshinyangu, lubabu ne lukinu, binuvua nukengesha nabi bena Izrayele. Padi bantu banyi bamona mundi nnunyoka, nebamanye ne: meme ndi nganyi.

Yowele 2:1

Elayi mpungi mu Siyone, elayi mbila pa mukuna wa tshijila wa Mvidi Mukulu! Nuenu bonsu bena ditunga, nuzakale, bualu dituku didi Maweja-Nangila ufika munda dikadi pabuipi.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Amosa 5:20

Dituku dia Maweja-Nangila nedifike. — Nedikale dia midima, butoke kabuyi bumueneka, nedikale difike fitutuu, kanuyi mua kutekemena bukenke nansha bukese.

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

Nsumuinu 5:22

Bilema bidi muntu wenza bidi bu mionji idiye udisuika nayi. Bidi bu buteyi budiye udikuata nabu.

Yirmeya 12:14

Maweja-Nangila udi wamba ne: Bavua mutumba ne bantu banyi kabavua ne bundu to. Bavua banyanga ditunga dijima dimvua mupeshe bantu banyi bena Izrayele bua kashidi. Nanku nengipate bena mutumba aba mu ditunga diabu. Kadi nansha bena Yuda nembipate kabidi!