Obadya 1:13 - MUKANDA WA MYIDI MUKULU

¹³ Kanuvua mua kubuela mu tshimenga tshia bantu banyi, pavuabu batshibutula. Kanuvua mua kutangila, kusanka, pavua makenga mabakuate. Kanuvua mua kunyenga bubanji buabu, pavua baluishi babapawula.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kubuedi mu tshibuelelu tshia bantu banyi dituku dia dikenga diabo; kusanki hawatangila bualu bubi budi bubakuata dituku dia dikenga diabo, kuolodi tshianza tshiebe ku biuma biabo dituku dia dikenga diabo.

Obadya 1:13 Referans Kwoze

Zekâya 1:15

Kadi bisamba bidi bisomba talalaa, biditemba, ndi mbifikile munda bikole. Bualu pamvua tshiyi muanji kufikila bena Izrayele munda bikole, biobi bivua bibabutula bibi.

Yezekiyele 35:10

“Nuenu bena Edome nuvua nufuuna ne: ‘Netudie bukalenga mu Izrayele ne mu Yuda. Nebikuate matunga abidi aa, nansha Maweja-Nangila usombamu.’

Yezekiyele 35:5

Kuonsu eku nuvua anu bakine bena Izrayele. Pavua baluishi babu babatshimune, bua kubanyoka bua bubi buabu, nuenu nuvua amu nubakengesha ne mvita.

Misambu 22:17

Tshisumbu tshia benji ba bibi mbangele munkatshi. Mbua eyi imfinakaja, ikeba kunsuma ku bianza ne ku makasa!

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

Yirmeya 46:21

Nansha bena mvita bavua bena Ejipitu basumbe, badisha bimpe bu tuana tua ngombe, bonsu kuela nyima, kunyema lubilu. Muntu nansha umue kena utua nkanana, pandi mfika bua kubabutula, pandi musue kubanyoka.

Yezekiyele 36:2

meme Maweja-Nangila Mvidi Mukulu ndi nnuambila ne: “Baluishi benu bavua banuseka, bamba ne: ‘Mpindiewu mikuna ya kale ya mu Izrayele ikadi yetu!’ ”

Yezekiyele 36:3

Ke pandi nkulomba, wewe Yezekiyele, bua umanyishe bena Izrayele bindi nkuambila. Ndi musue kubambila ne: “Ndi mumone ne: nseke yonsu badi baluisha mikuna ya Izrayele, bakeba kuyikuata. Ikadi mu bianza bia bantu ba bisamba bia bantu benyi, badi bayipenda, bayiseka.”

Yobe 31:29

Mvua ne disanka pavua muluishi wanyi mu dikenga, nansha pavua diakabi dimukuata anyi?