Nsumuinu 8:21 - MUKANDA WA MYIDI MUKULU

²¹ Ke muaba undi mpetesha badi bannanga bintu. Ndi nguwuje nzubu yabu ne mpetu tente.

Mukanda wa Nzambi Dihungila Dikulukulu ne Dihungila Dihia-dihia 2003

²¹ bua kuhesha badi bannanga buhianyi bua biuma, bua kûsha bibutshilu biabo tente.

Nsumuinu 8:21 Referans Kwoze

1 Petro 1:4

kusanka bua bilenga bidi Mvidi Mukulu mulamine bantu bende. Bilenga abi kabiena bibola, kabiena binyanguka, kabiena bifubidila. Mvidi Mukulu mmunulaminebi mu diulu.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Nsumuinu 24:4

Udi uuja mayeba ne bintu bilenga bia mushinga mukole amu padiye ne dimanya.

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Nsumuinu 1:13

Tubanyenge bionsu bidibu nabi, tuwuje yetu nzubu.

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

Didimanyisha 21:7

Tshidi muntu mua kupeta kundi padiye utshimuna ntshietshi: Nengikale Mvidi Mukulu wende, yeye neikale muananyi.

Nsumuinu 8:18

Ndi mpeteshangana bubanji, lumu, biuma bidi bishala kashidi, ne diakalenga dilelela.

Nsumuinu 6:31

Kadi padibu bamukuata, udi ufuta bintu bipite bungi bua biwaye muibe. Neajimije bintu biende bionsu.

Rome 8:17

Patudi bana bende, netupiane bilenga bivua Mvidi Mukulu mulaye bantu bende. Netubipiane pamue ne Kristu. Bualu patudi tukenga badisange ne Kristu, netusanke nende pamue mu butumbi bua momumue.

Nsumuinu 8:20

Badi bansangana mu njila udibu balonda kudi bantu badi bakeba Mvidi Mukulu, mu njila idi bantu benzelangana bimpe.

Nsumuinu 10:22

Kabiena kuluila. Maweja-Nangila nkayende ngubipapa bantu.

Nsumuinu 15:6

Udi witaba Mvidi Mukulu udi usomba mu bubanji. Kadi mpetu mipeta ku malu mabi idi ilela dikenga.

Nsumuinu 21:20

Mu diyeba dia muena meji mudi biakudia bivule ne bintu bikuabu bia mushinga mukole. Kadi muntu mutatakane udi ujimija bionsu bidiye nabi.