Nsumuinu 8:20 - MUKANDA WA MYIDI MUKULU

²⁰ Badi bansangana mu njila udibu balonda kudi bantu badi bakeba Mvidi Mukulu, mu njila idi bantu benzelangana bimpe.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Ndi ngenda mu nshila wa buakane, mu nshila ya kulumbulula kuakane,

Nsumuinu 8:20 Referans Kwoze

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

Misambu 32:8

Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Nsumuinu 6:22

Neakuambuluishe kuudi uya, ne kuudi ufuma. Nebikukube mu tulu. Paudi ubika ku tulu nebikuambile tshia wewe kuenza.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

Yowanane 10:3

Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu.

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Misambu 23:3

Udi ufululula bukole buanyi. Udi undudika mu njila muakane bualu udi mulami wa bena Izrayele.

Yeshaya 55:4

Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.

Nsumuinu 2:9

Paudi unteleja, nenjingulule muudi mua kuikala muntu muakane, wa nsongu, muudi mua kuenza bidi bimpe.

Nsumuinu 8:19

Mapa anyi mmapite mpawungi muimpe ku mushinga. Lupetu luawu ndupite tshiamu tshitoke tshia mushinga mukole.

Nsumuinu 8:21

Ke muaba undi mpetesha badi bannanga bintu. Ndi nguwuje nzubu yabu ne mpetu tente.

Nsumuinu 2:20

Nenku, enda mu njila udi bantu bakane balonda. Idikija malu adi bantu bimpe benza.